50 ҳазор сомонии Қодирӣ барои устоду шогирд
Дар Суғд хонандаеро, ки аз олимпиадаҳои берун аз марзи Тоҷикистон бо медали тилло бармегардад, ҳамроҳ бо устодаш бо 50 ҳазор сомонӣ қадр мекунанд.
Аз дафтари матбуоти раиси вилояти Суғд ба “Озодагон” гуфтанд, дар ин бора 18 апрел Абдураҳмон Қодирӣ, раиси вилоят қарореро тасвиб кард: “Ин тасмим бо мақсади арҷгузории заҳмати омӯзгорону дастпарварони онҳо гирифта шудааст”.
Бино ба иттилои манбаъ, дар қарори мазкур омадааст, ба хонандае, ки дар олимпиадаи кишварҳои хориҷи дур сазовори нишони тилло мегардад, 25 ҳазор сомонӣ тақдим мегардад. Омӯзгори ӯ низ ҳамин миқдор маблағ хоҳад гирифт: “Хонандае, ки дар олимпиадаи мамолики хориҷи дур сазовори ҷойи дуюм мегардад, бо 15 ҳазор сомонӣ ва омӯзгори ӯ низ бо 15 ҳазор сомонӣ мукофотонида мешавад. Барандаи нишони нуқра дар чунин олимпиадаҳо бо 10 ҳазор сомонӣ ва омӯзгораш ҳам бо ин миқдор маблағ қадршиносӣ мешавад”.
Ба иттилои дафтари матбуоти раиси вилоят, хонандае, ки дар олимпиадаи кишварҳои узви Иттиҳоди давлатҳои мустақил ҷойи аввалро мегирад, соҳиби 10 ҳазор сомонӣ (муаллимаш низ) мешавад: “Соҳиби нишони нуқра ва омӯзгори ин хонанда ҳар яке 5 ҳазор сомонӣ ва хонандае, ки нишони биринҷӣ ба даст меоварад ҳамроҳ бо устодаш ҳар кадом 3 ҳазор сомонӣ мукофотпулӣ дарёфт мекунанд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |