28 сен 2016 15:10Оcиёи Марказӣ / Тоҷикистон

Муҳофизони муҷассамаи Исмоили Сомонӣ: Мо пул талаб накардем

Милисаҳои муҳофизи муҷассамаи Исмоили Сомонӣ, ки аз ҷониби рӯзноманигорони қазоқ дар тамаъкорӣ муттаҳам шуданд, зимни бозпурсӣ изҳор доштаанд, ки аз касе пул талаб накардаанд.

Умарҷони Эмомалӣ, сухангӯи Вазорати умури дохилии Тоҷикистон имрӯз, 28-уми сентябр дар суҳбат бо “Озодагон” гуфт, кормандони мазкур бо далели вайрон намудани интизоми хидматӣ аз кор ронда шуданд: “Аммо зимни бозпурсӣ онҳо тамаъкорӣ ва талаб кардани пул аз шаҳрвандони Қазоқистонро рад карданд. Айни ҳол шаҳрвандони Қазоқистон, ки ин иддаоро дар миён гузоштаанд, кишвари моро тарк кардаанд ва имкони бозпурсияшон нест. Таҳқиқи ин қазия идома дорад”.

Сухангӯи Вазорати умури дохилии Тоҷикистон афзуд, феълан ду милиса, ки корманди шуъбаи умури дохилии ноҳияи Исмоили Сомонӣ буданд, аз кор озод шуданд: “Инчунин сардорашон танбеҳ гирифт. Корҳои фаҳмондаҳӣ миёни кормандони милиса дар мавриди муносибат бо шаҳрвандон ҷараён дорад”.

Таҳқиқи рафтори милисаҳо тоҷик дар маркази Душанбе баъди навиштаи Бақитҷон Буқарбой, рӯзноманигори қазоқ сурат гирифт, ки аз пулталабии милисаҳои назди ҳайкали Исмоили Сомонӣ шикоят кард. Ӯ амали кормандони милисаро, ки бо баҳонаи “имрӯз мавлуд дорам”, пул талаб кардаанд, ба “гадоӣ”-и ҷугиҳо монанд кардааст. Буқарбой навиштааст талабандагии кормандони милиса дар майдони марказии шаҳри Душанбе ӯ ва ҳамроҳонашро дар ҳолати “шок” гузоштааст.

Зери навиштаи Буқарбой дар саҳифааш тули се рӯз бештар аз 400 нафар лайк гузошта, 241 шарҳ навиштаанд. Бархе аз шарҳнависон навиштаи муаллифро тасдиқ карда, рафтори милисаро шармовар хондаанд. Иддаи дигари корбарон гуфтаанд, журналисти қазоқ муболиға карда, бо ғарази шахсӣ матлабро навиштааст.

Мӯҳр

Хабарҳои монанд:

Далер

Хеч Муболига накардааст журналисти Казок хакикатро навиштааст.

Ҷавоб диҳед Иқтибос Шикоят

Буқарчаон

аз мо ку металабанд аз онҳо даст бар чайби меҳмон зада гирифта рафтан мегирад ҳичӣ гуфта наметавонем

Ҷавоб диҳед Иқтибос Шикоят

Мирзо

Як бори дигар дар бораи милисахои назди Хайкали Сомони дар сомонахои Аврупо низ барои пулталабишон макола чоп шуда буд, аммо касе ахамият надод. Тахминан солхои 2011-2013 буд. Бо сардори хамун милисахо шашмаком хонда будааст барои Аврупоихо... Зиндаги оинаро мухточи хокистар кунад...

Ҷавоб диҳед Иқтибос Шикоят

мехмон

Бакарбой дар ,, шок'' намон! ГАИ ва милисахои шумо мачбур кисахоро холи мекунанд.

Ҷавоб диҳед Иқтибос Шикоят

Мусофир

Барои порагири факат аз кор бартараф мекунанд тамом ,е як-ду сол паси панчара мешинонанд?

Ҷавоб диҳед Иқтибос Шикоят

Ростгуй

Ин рузноманигор рост мегуяд
Ман худ бо ду мехмони хоричи рафтам ба пеши сомони яке аз он посбонон ба мехмон гуфт аз пулхои мииатон бошад барои хотира медодед аммо мехмон ханда карда гуфт ки на надорам...

Ҷавоб диҳед Иқтибос Шикоят

Илхом

Об аз боло лой аст.

Ҷавоб диҳед Иқтибос Шикоят

Sughdi

Man purra bo in jurnalist rozi hastam
Mo yak guruh az viloyati Sughd ba tamoshoi ba nom poytakht omadem namedonam chand chizro bahonavu sabab kardandu az 200 somoni savdokunon ba 95 somoni farovardem..... Astagfurilloh nakhod milisai poytakht boz joi asosii mehmononi poytakht hast chunin besharmu besavod boshad.
Dili moro az Dushanbe khunuk kard !

Ҷавоб диҳед Иқтибос Шикоят

мо

Агар муболигахам карда бошад дуруст кардааст. Дарвокеъ рафтору кирдори окрмандони милисаи мо ба бозбинии ниёз пайдо кардааст. Корашон шантажу пулталби. Ин иллат, ки дар назди Мучвссамаи Шох Исмоили Сомони сурат гирифтааст цатрае аз бахр аст.

Ҷавоб диҳед Иқтибос Шикоят

назар

Ман ҳам шоҳиди як воқеъае дар истоҳи (пости) даромадгоҳи ноҳияи Шамсиддини Шоҳин (Шурообод) шудаам. Дар дохили мошини мусофиркаш дар қатори дигар мусофирон, як хориҷие низ азми сафари Бадахшон дошт. Дар истгоҳ кормандони милиса аз хориҷӣ боисрор пул талаб мекарданд, ӯ бошад мегуфт агар ҳуҷҷатҳои ман дуруст бошанд барои чӣ ман пул медодаам. Пас аз нимсоати кашмакаш хориҷӣ миқдори пуле доду милисаҳо иҷозати сафар доданд. Хориҷӣ шигифтзада буду мо шаҳрвандони кишвар бошад, хиҷолатзада. Ман бошам то ин истгоҳ ба хориҷӣ аз дастовардҳои Тоҷикистон боифтихор нақл мекардам. Пас аз он ғайр аз узр пурсидан дигар маҷоли сухане надоштам.

Ҷавоб диҳед Иқтибос Шикоят

Эзоҳ илова кунед