03 окт 2016 14:28Тоҷикистон / Сиёсат / Рӯ ба рӯ

Кафолати судя ба Ёров: Аз боло супориш нест, ҳукм мунсифона хоҳад буд

Додраси раисикунандаи мурофиаи Бузургмеҳр Ёров, вакили боздоштшудаи тоҷик изҳор доштааст, ки дар мавриди парвандаи судшаванда ягон супориш нагирифтааст ва кафолат додааст, ҳукми додгоҳ дар мавриди ӯ одилонаю мунсифона содир хоҳад шуд.

Наздикони Ёров дар суҳбат бо “Озодагон” гуфтанд, имрӯз, 3-юми октябр Бузургмеҳр суханони ниҳоияшро ба анҷом расонда, изҳор дошт, ки ба қарори мунсифонаи додгоҳ шубҳа дорад. Асадулло Бобохонзода, раисикунандаи мурофиа дар посух ба шубҳаи Бузургмеҳр Ёров изҳор доштааст, ки аз боло ягон супориш ворид нашудааст ва кафолат додааст, ки қарорро мунсифона содир хоҳад кард.

Дар пайи кафолати раисикунандаи мурофиа Ёров изҳори умед кардааст, ки нисбати парвандааш ҳукми мунсифона содир хоҳад шуд. Феълан додрас ба хонаи машваратӣ рафта, дар назар аст, ки ҳукми додгоҳ 6-уми октябр эълон мешавад.

Ин дар ҳолест, ки қаблан Ёров даъвои айбдоркунандаи давлатиро бепоя хонда, афзуд, ки маҳз дар пайи чунин иттиҳомҳои сохта замоне бузургони миллат ба монанди Шириншоҳ Шоҳтемуру Нусратулло Махсум ҳукми қатл гирифтаанд.

Ёров бо ишора ба 25 соли ҳабс, ки додситонӣ талаб кардааст, афзуда буд, ки “ман аз аввал ба барқарор шудани адолат дар парванда шубҳа доштам”. Ӯ суол гузоштааст, ки агар баррасии парванда мунсифона бошад, чаро масъулини додгоҳ ба ҳомиёни ҳуқуқ, дипломатҳо ва рӯзноманигорон иҷозат надоданд, ки дар мурофиа иштирок кунанд?

Қаблан Рустам Тақдирзода, айбдоркунандаи давлатӣ аз додраси парванда хост, Бузургмеҳр Ёровро 25 сол равонаи зиндон кунад. Тақдирзода аз додрас хост, молу амволи Бузургмеҳр Ёров бо шумули манзил, мошин ва мағозаи ӯ мусодира шавад. Ёров бар пояи бандҳои 189 қисми 2 банди “г”, 247 қисми 2, 307 қисми 2, 307 қисми 1, 340 қисми 2, бандҳои “а”, “б”, “в” айбдор мешавад.

Айбдоркунандаи давлатӣ барои адвокати дигари боздоштшуда Нуриддин Маҳкамов, ки бо моддаҳои 189, қисми 2 банги “г”, 247 қисми 4 банди “б”, 307 қисми 2 банди “г” ва 307 қисми 1 муттаҳам мешавад, 23 соли зиндон талаб кард. Ӯ хост, Ёров ва Маҳкамов ба зиндони низомаш пурзӯр фиристода шаванд.

Бузургмеҳр Ёров рӯзи 28 сентябри соли 2015 баъди эълони азмаш дар бораи таъсиси Кумитаи дифоъ аз аъзои дастгиршудаи Ҳизби мамнӯи наҳзати исломии Тоҷикистон аз сӯи мақомоти интизомии кишвар боздошт шуд. Ёрову Маҳкамов дар барангехтани кинаву адоват муттаҳам мешаванд.

Мӯҳр

Хабарҳои монанд:

точикистони нав

агар супориши намешуд вакте, ки парвандаи нахзатихоро ба ухда гирифт саросема дастгираш намекарданд сирф супориши аст

Ҷавоб диҳед Иқтибос Шикоят

мухочир

Ин чи гуна сарлавха хаст ? Гуё хукми ин касро аз боло супориш медода бошанд. Мункин буд ин тавр навишт:
ДОДСИТОНИ КУЛЛ Ё РАИСИКУНАНДАИ ХУКМИ ЁРОВ:
,,ХУКМИ ЁРОВ СУПОРИШИ НАБУДА, ОДИЛОНА МУРОФИА МЕШАВАД".

Ҷавоб диҳед Иқтибос Шикоят

Махваш

Мунсифона чи гуна калима аст,чи маъно дорад?

Ҷавоб диҳед Иқтибос Шикоят

Махваш,

Мунсифона, яъне ки бегараз. Ба руси мешавад беспристрастный, непредвзятый. Ба забони англиси impartial. Хулоса ОДИЛОНА.

Ҷавоб диҳед Иқтибос Шикоят

Махваш

р.
Рахмат барои шарх

Ҷавоб диҳед Иқтибос Шикоят

Эзоҳ илова кунед