Қарори Убайдуллоев алайҳи сабукӣ ба тоҷирону ширкатҳои “эрка”
Дар пасманзари иддао, ки мақомоти давлатӣ бештар имтиёзу сабукиҳоро ба соҳибкору ширкатҳои ба истиллоҳ “эрка” медиҳанду фазои рақобати солимро халалдор мекунанд, Маҳмадсаид Убайдуллоев, раиси Душанбе қарор кардааст, ки минбаъд имтиёзу бартарӣ бидуни хулосаи Хадамоти зиддиинҳисорӣ ироа нагардад.
Тавре аз дафтари матбуоти шаҳрдории Душанбе ба “Озодагон” иттилоъ доданд, Убайдуллоев қарор кардааст, бо мақсади тақвияти рақобати солим ва таъмини шароити баробар барои ҳама ёрии давлатӣ ва маҳаллӣ ба соҳибкорони инфиродӣ ва шахсони ҳуқуқии пешниҳодкунандаи молу маҳсулот дар асоси хулосаи Хадамоти зиддиинҳисорӣ дода шавад.
Убайдуллоев раисони ноҳияҳои пойтахт, Сарраёсати молияи шаҳри Душанбе ва дигар сохторҳои марбутаи шаҳриро муваззаф намудааст, ки зимни қабули қарор бобати ба як ё якчанд субъектҳои хоҷагидорӣ ҷудо ва тақсим намудани маблағ аз буҷети маҳаллӣ, захираҳо, фароҳам овардани имтиёзҳои инфиродӣ ва бартарият хулосаи мусбати Шуъбаи Хадамоти зиддиинҳисории назди Ҳукумати Ҷумҳурии Тоҷикистон дар шаҳри Душанберо ба инобат гиранд: “Сохторҳои марбутаи давлатии соҳаҳои гумрук, андоз, молияи шаҳри Душанбе бобати аз ҷониби сохтори хадамоти зиддиинҳисорӣ муайян намудани нуфузи шахсони воқеӣ ва ҳуқуқӣ дар бозори мол ва ҳиссаи субъектҳои хоҷагидор, ки ба онҳо расонидани ёрии давлатӣ ва маҳаллӣ пешбинӣ мегардад, барои пешниҳод намудани иттилооти зарурӣ ба сохтори хадамоти зиддиинҳисорӣ ҳамаҷониба мусоидат намоянд”.
Раиси Душанбе назорати иҷрои қарори мазкурро ба уҳдаи муовинаш Мақсудзода Ш. Гузоштааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |