02 ноя 2016 13:59Тоҷикистон / Сиёсат / Тема дня

Фирӯза Шарифӣ ба ҷои Муҳиддиниён вакили парлумон шуд

Фирӯза Шарифӣ, ноиби аввали раиси “Созандагони Ватан”, қаноти ҷавонони Ҳизби ҳокими халқӣ-демоктратии Тоҷикистон вакили Маҷлиси намояндагон шуд.

Тибқи иттилои Комиссияи марказии интихобот ва раъйпурсии Ҷумҳурии Тоҷикистон имрӯз, 2-юми ноябр қарор шуд, ки мандати вакилӣ ба Шарифӣ Фирӯза Бурихонзода дода шавад.

Шарифӣ дар курсии вакили парлумон Муҳиддиниён Пулод Муҳиддинро иваз хоҳад кард, ки ахиран директори Гуруҳи татбиқи лоиҳаҳои сохтмони иншооти энергетикӣ таъин гардид.

ШАРИФӢ Фирӯза Бурихонзода 6 октябри соли 1973 дар ноҳияи Мир Сайид Алии Ҳамадонӣ таваллуд шудааст. Маълумоташ олӣ, соли 1995 факултаи филологияи тоҷик ва соли 2014 факултаи молия ва қарзи Донишгоҳи миллии Тоҷикистонро хатм кардааст.

Фаъолияти меҳнатиашро соли 1995 ба ҳайси муҳаққиқ-коромӯзи Донишгоҳи миллии Тоҷикистон оғоз гардида, солҳои 1996-1999 таҳсилро дар шуъбаи рӯзонаи Аспирантураи ҳамин донишгоҳ идома додааст.

Минбаъд дар вазифаҳои гуногуну масъули мақомоти иҷроияи ҳокимияти давлатии ноҳияи Восеъ, мансабҳои роҳбарикунандаи Раёсати ҷавонон, варзиш ва сайёҳии вилояти Хатлон кор карда, ҳамзамон солҳои 2006-2013 раисии бахши Иттифоқи ҷавонони Тоҷикистон дар вилоятро низ ба уҳда доштааст. Аз феврали соли 2013 дар вазифаи мудири шӯъбаи кор бо занони КИМ ҲХДТ ва ҳамзамон муовини раиси Иттифоқи ҷавонони Тоҷикистон фаъолият дошт.

Мӯҳр

Хабарҳои монанд:

Точикистон

Ахсан кадри арзандааст Фирӯза Шарифӣ, барору комёби ба Шумо.

Ҷавоб диҳед Иқтибос Шикоят

Мусофир

Апаи Фируза шахси донишманду кордон аст.

Ҷавоб диҳед Иқтибос Шикоят

Pshikboy

Точикистон,
Мусофир,
Bale hami in ashkhos kordonu donishmandu arzandaand faqat namedonm baroi chi vaziyati iqtisodi ruz to ruz bad shuda istodaast! Dar majlis yagon shakhsi donishmandu layokatmand nest!

Ҷавоб диҳед Иқтибос Шикоят

Латофат.Чоми

Холаи Фируза муборак шавад!Зеби хамай кора дори,хола.Хола як бор тарафхои нохияи Чоми бие.Марказиинохия мисли дубай шудай,малиники парижай,ба кариби душанбера мегузара бие хола

Ҷавоб диҳед Иқтибос Шикоят

Нуралӣ

Худованд ба тамоми орзуҳотон бирасонад, духтари оча!! Фирӯза бисёр инсони хуб ва кадри воқеан ҳам арзанда аст. Бовар дорем, тамоми донишу малакаи худро барои ободиву гулгулшукуфии Ватану Миллат сарф хоҳад кард.

Ҷавоб диҳед Иқтибос Шикоят

Амиров Аловуддин

Вокеан Фируза Шарифи лоики курсии ваклист. Ин зани сиёсатшинос яке аз он нигинхои пурчиллои точи зарини Точикистони азиз аст чаро ки фарзанди содик ва вафодори миллат аст!

Ҷавоб диҳед Иқтибос Шикоят

Эзоҳ илова кунед