30 сен 2015 09:00Оcиёи Марказӣ / Тоҷикистон

Нахустин зангҳои шикоятӣ алайҳи Ёров баъди даъвати ВКД аз мардум

Вазорати умури дохилии Тоҷикистон аз шикоятҳои нахустин баъди нашри хабар дар бораи боз шудани парванда алайҳи вакили дифоъ -- Бузургмеҳр Ёров иттилоъ додааст.

Рӯзи гузашта ВКД бо иттиҳоми қаллобӣ ва сохтакории аснод нисбат ба Ёров парванда боз кард ва аз шаҳрвандон хост агар шикояте дар робита ба фаъолияти ӯ доранд муроҷиат намоянд. Сомонаи расмии ин ниҳод мегӯяд, дар пайи ин муроҷиат аллакай ду нафар тариқи телефони боварии вазири умури дохилӣ занг зада, алайҳи Ёров шикоят намудаанд. Манбаъ яке аз онҳоро сокини ноҳияи Файзобод муаррифӣ карда, гуфтааст, “муайан гардид, ки Ёров Б.Р. бо мақсади ба даст овардани фоидаи муфт, дар давраи моҳҳои апрел-ноябри соли 2013, ба боварии шаҳрванд Мелиқулова Дилбар Донаевна, сокини ноҳияи Файзобод, кӯчаи Сино, хонаи №13, даромада, изҳор кардааст, ки метавонад баҳси шаҳрвандии дар Суди ноҳияи Файзобод баррасишавандаро ба фоидааш ҳал намояд”.

Ин ниҳод мегӯяд, Бузургмеҳр Ёров аз Дилбар Мелиқулова 2800 доллари амрикоӣ гирифта, дар мурофиаи суди гражданӣ иштирок накарда, маблағҳои ба даст овардаро ба манфиати худ сарф намудааст. Вазорати умури дохилӣ дар сомаонаи худ аз муроҷиати боз як нафари дигар нисбати Ёров хабар дода мегӯяд, “Бузургмеҳр Ёров аз рӯи маслиҳати пешакӣ бо Тоиров Бадриддин, бо мақсади ба даст овардани маблағи пулии муфт, соли 2009 ба боварии шаҳрванд Ҳоҷиев Беҳруз Султонбекович даромада, аз ҳолати оҷизӣ ва вазъияти шадиди ноилоҷии охирин суистифода бурда, аз ӯ маблағи пулӣ ба миқдори 7000 доллари амрикоӣ гирифта, ваъда додаанд, ки дар Суди ноҳияи Синои шаҳри Душанбе аризаи даъвогии Миралиева Мадина Абдуллоевнаро оиди ҷудо кардани молу мулк ба фоидаи Ҳоҷиев Б. ҳал мекунанд”.

Бузургмеҳр Ёров дар пайи боздошти 13 масъули ҲНИТ бо иттиҳоми узвият дар гуруҳи Ҳоҷӣ Ҳалим, дар суҳбат бо “Озодагон” аз таъсиси Кумитаи ҷамъиятии дифоъ аз ҳуқуқи боздоштшудагон хабар дод.

Мӯҳр

Хабарҳои монанд:

шикояткунанда Баҳром

Моро милиса лату куб кард барои ришомо, гуфтем ки ака ройгон ҳуқуқҳои моро дифоъ кун, не гуфт ва пул надоштем ки ба манфиати шахсиаш истифода кунад. барои хамин ба боварии мо даромад ва ба мо маслихати дуруг дод ки ришотона тарошед, дига проблема намешад. Ина мо акнун ришомоя тарошидем, аммо ба маслихати вай даромада зарар кардем. Зеро агар маслихати вая намегирифтем, кормандои ВКД бепул ришомоя тарошида медоданд, аммо бо маслихати ин адвокат мо аз бонк пул карз гирифта ду то ришгираки одноразовий бо нархи 4 сомониву 50 дирам харидори кардем, ки дар натича бо фоизи бонкиш 40 сомониву 55 дирам дар як солро ташкил медихад ва акнун мо мачбур шудем барои баргардонидани карзи бонк аз сабаби дар русия кор набудан ва вазъи бухронии бекори дар кишвар, аз кабири пул карз гирем. Аммо ба мо маълумот расид ки ин пулҳои хоҷагони хориҷии наҳзат барои тайёр кардани террористон будааст. Акнун ба маслихати ин Бузургмехай кияй, адвокат карочи, моро барои як ришгирак хонамона бонк гирифтани аст, пулиси байналмилал ба гумони даст доштан дар амалҳои террористи ҷустуҷу дорад. Илтимос як бзабонхат гиред аз ин адвокат ки ба гунохаш эътироф кунад ва барои гумрох кардани мо ба ҷавобгари кашида шавад. Бо эхтиром, ба адолати судӣ ва ҳақиқатҷуии кормандони кудрати эмони комил дорем!!!!!!!!!!!!

Ҷавоб диҳед Иқтибос Шикоят

Эзоҳ илова кунед