АКС: Қароргоҳи ҲНИТ дар Суғд вайрон ва ҷояш кабудизор мешавад?
Илҳомҷон Ёқубов, раиси бахши ҲНИТ дар Суғд, мегӯяд, ин огоҳии мақомот танҳо баъд аз як рӯзи номаи онҳо ба ҳукумати Суғд дастрас шудааст. Ба қавли ӯ, наҳзатиҳои Суғд аз мақомоти вилоят хостаанд, барои баргузории маҳфиле бахшида ба ҷашни Ваҳдати миллӣ баряшон толор бидиҳанд. “Ин дархости мо рӯзи 13 июн ба мақомот ирсол шуду рӯзи дигараш огоҳинома доданд, ки ҷоямонро холӣ кунем, вагарна чораандешӣ хоҳанд кард”,-афзуд ӯ.
Дар номаи масъулони ҳукумати шаҳри Хуҷанд таъкид шудааст, ки дар сурати муроҷиати хатти намояндагони ҲНИТ ба онҳо аз дигар минтақаи шаҳри замин ҷудо карда хоҳад шуд. Раиси дафтари ҲНИТ дар Суғд мегӯяд, ҳоло аз сӯи масъулини баландпояи бахш гуруҳи корие барои таҳқиқ ва муайян кардани сабаби басташавии дарҳои дафтар ташкил шудааст. Муҳршавии дарҳои ин дафтари ҲНИТ дар ҳолест, ки ахиран масъулини он бо ирсоли нома ба Абдураҳмон Қодирӣ, раиси вилояти Суғд аз муносибати мақомоти иҷроияи ҳокимияти давлатӣ ва қудратӣ бо пайравони ин ҳизб шадидан ибрози нигаронӣ карда буданд. Дар номаи онҳо ба Қодирӣ, аз ҷумла омада буд, “вазъи муносибати мақомоти қудратӣ бо пайравони ҲНИТ дар вилояти Суғд носолим буда, идома ёфтани ин раванд эътимоди мардумро ба ҳуқуқбунёдӣ ва демократӣ будани давлатдории Тоҷикистон коста мегардонад.”
Аз сӯи дигар, то кунун бахшҳои ноҳиявии ҳизб дар ин минтақа, аз ҷумла дар шаҳри Исфараю ноҳияҳои Спитамен ва Панҷакент низ айни мушкилро доранд. Масъулини ҲНИТ ахиран аз мусодира шудани муҳр ва санаду ҳуҷҷатҳои ҳизбӣ аз сӯи афроди номаълум дар ноҳияи Спитамен хабар дода, гуфта буданд, дари дафтари ин ҳизб дар ин ноҳия қуфл шудаасту тамоми ҳуҷҷатҳои ҳизб дар дохил мондаанд: “Тамоми ҳуҷҷатҳо хеле бароямон зарур аст, ки дар қароргоҳ буданд, аз тарафи ин шахсон мусодира шудааст.” Дар шаҳри Исфара масъулини ҳукумати маҳаллӣ низ ахиран ба намояндагии ҲНИТ ду рӯз муҳлат дода буданд, утоқи Нозироти андози ин минтақаро, ки дар он дафтараш ҷойгир аст, холӣ кунад. Чун дар номаи ҳукумат ба кормандони ноҳиявии ин ҳизб гуфта шудааст, шартномаи иҷораи утоқҳои корӣ дар бинои Нозироти андози Исфара, ки моликияти коммуналӣ мебошад, бо бахши ноҳиявии ҲНИТ тамдид нашудааст ва Шумо онро ғайриқонунӣ истифода доред.” Дар ҳамин ҳол, намояндагии ҲНИТ дар ноҳияи Панҷакент низ аз тахриб шудани бархе утоқҳои кории худ дар ин минтақа шикоят дошта, гуфта буд, ин иқдом бо амри мақомоти интизомии кишвар сурат гирифтааст. Сино Ҳасанзода, раиси бахши ҲНИТ дар Панҷакент, гуфта буд, ин кор рӯзи 5 июни соли ҷорӣ сурат гирифта, ҳангоми тахриби дафтари онҳо намояндагони додситонӣ, раёсати амният ва умури дохилӣ ҳузур доштаанд.
Ҳизби наҳзати исломии Тоҷикистон, яке аз аҳзоби умдаи мухолифи кишвар ба шумор рафта, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш ҲНИТ беш аз 40 ҳазор узв дорад, ки ҳудуди 15 ҳазори он дар вилояти Суғд ба сар мебаранд.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
