25 июн 2014 10:11Оcиёи Марказӣ / Тоҷикистон

Дари дафтари ҲНИТ дар Панҷакентро бо "палатка" бастанд

Бахши Ҳизби наҳзати исломии Тоҷикистон дар ноҳияи Панҷакенти вилояти Суғд аз масдуд шудани дафтари худ дар ин минтақа шикоят дорад.

Сино Ҳасанзода, раиси бахши ҲНИТ дар Панҷакент гуфт, кормандони Идораи бақайдгирии ҳуҷҷати манозилу биноҳои ин минтақа ба онҳо гуфтаанд, аз ин ба баъд фаъолияти Шумо дар ин бино манъ мебошаду дар ин бора аз раиси ноҳия дастур гирифтаанд. “Ҳоло дару тирезаҳои қароргоҳи моро бо “палатка” пӯшонидаанду моро намегузоранд, вориди бино шавем.”- афзуд, Ҳасанзода

Ин дар ҳолест, ки қаблан бинои дафтари ҲНИТ дар Панҷакент бо амри мақомоти интизомии кишвар қисман тахриб шуда буд. Аммо масъулини бахши ҲНИТ қисми боқимондаи онро дубора бозсозӣ карданд. Ба гуфтаи раиси бахши ҲНИТ дар Панҷакент, мақомот он замон ваъда додаанд, ки бар ивази ин дафтари вайроншудаи ҳизб замин ҷудо хоҳанд кард. “Мақомот пештар хотиррасон карда буд, ки аз сабаби дар канори роҳ будани дафтари ҳизб эҳтимол он тахриб карда шавад. Қарори қаблӣ, ки арзи роҳи автомобилгардро дар дохили шаҳр 34 метр арзёбӣ мекард, ба 18 ё 20 метр иваз карда шуд ва аз ин рӯ, қароргоҳи ҳизб бояд ҳифз мешуд, вале имрӯз масъулон боз ба тахриби бино шурӯъ намуданд”,-афзуд ӯ.

Тахрибу баста шудани дарҳои бахшҳои ҲНИТ дар вилояти Суғд бори аввал нест, тайи чанд моҳи охир мешавад, Ин ҳизб шикоят дорад, ки мақомоти вилоят барои фаъолияти бахшҳояш дар Исфараю Спитамен низ мушкил эҷод мекунад. Ахиран дафтари вилоятии ҲНИТ низ дар вилояти Суғд вайрон карда шуд. Мақомоти маҳалли Суғд дар шарҳи ин иқдоми худ гуфтанд, қароргоҳи ҲНИТ бар асоси нақшаи куллӣ ё генералии шаҳри Хуҷанд тахриб ва ҷояш кабудизор мешавад.

Ҳизби наҳзати исломии Тоҷикистон, яке аз аҳзоби умдаи мухолифи кишвар ба шумор рафта, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш ҲНИТ беш аз 40 ҳазор узв дорад, ки ҳудуди 15 ҳазори он дар вилояти Суғд ба сар мебаранд.

Акс аз торнамои ҲНИТ

Мӯҳр

Хабарҳои монанд:

Архитектор

Тибки Накшаи Генерали садхо бинохои фарсуда тахриб мешаванд. Ин пешравии хаст, ва бинохои нави замонави комат афрухта истодаанд.
Бо як дафтари Хизб хангомасози накунед. Бехтараш минбаъд дар хар кучое, ки рост омад Дафтар накушоед. Бо ГЕНПЛАН мувофика кунед.

Ҷавоб диҳед Иқтибос Шикоят

Мардикор

Шармандаги аз ин зиёд намешавад.Чун ин хизб соли 2010 дар интихоботи парлумони овози зиёдтаре гирифта буд,холо ба ин кори паст рафта истодаанд,гумон мекунанд,ки мардум чун гусфанд асту чизеро намефахмад.

Ҷавоб диҳед Иқтибос Шикоят

Эзоҳ илова кунед