Тарифи "Любой ҷо”-и Билайн ҳанӯз дар “любой” ҷои шаҳри Ваҳдат? (АКС)
Як хонандаи хабаргузории “Озодагон” бо ирсоли ду акс навиштааст, ки таблуҳои таблиғотии тарифи баҳсбарангези “Любой ҷо”-и Билайн ҳанӯз дар шаҳри Ваҳдат овезонанд.
Ин хонанда, ки худро Беҳрӯз муаррифӣ кардааст, менависад, дар бораи тоза кардани навиштаи “любой ҷо” аз таблуҳо дар расонаҳои хабарӣ хонда буд, аммо дар шаҳри Ваҳдат ҳанӯз ин навиштаҳо мавҷуданд: “Рӯзи 12 октбр дар чанд нуқтаи шаҳри Ваҳдат дидам, ки ҳоло ҳам тарифи “любой ҷо” реклом мешавад”.
Тарифи “любой ҷо”-и Билайн баъди он мавриди таваҷҷуҳи бештар қарор гирифт, ки Кумитаи забон ва истилоҳоти Тоҷикистон гуфт, ин ибора мухолифи қонуни Тоҷикистон дар бораи забони давлатӣ аст ва муғойир ба меъёрҳои забони адабӣ. Ба гуфтаи масъулини кумита онҳо ба ин ширкати мобилӣ тавсия дода буданд, ки тарифашро “Ҳама ҷо” ва ё “Самти дилхоҳ” номгузорӣ кунад. Аммо Мария Веторази, масъули робита бо ҷомеаи Билайн ба “Озодагон” гуфта буд, “любой ҷо” соддаю фаҳмо буда, дар омма васеъ истифода мешавад ва инчунин аз омилҳои шӯхӣ бархӯрдор аст: “Ин ном ба таври пурра моҳияти тарифи навамонро инъикос мекунад, ки дар он тамосҳо ба ҳамаи операторони мобилӣ нархи дастрас доранд. Баъдан ин номи сода, хотирмон ва дорои омилҳои ҳаҷв мебошад. Иттилооти таблиғотии тарифи “Любой ҷо” низ дар доираи қонунгузории Тоҷикистон мебошад, чун ба забони тоҷикӣ баён шудааст. Инчунин дар маводи таблиғотӣ маънои “Любой ҷо” шарҳ дода шудааст”.
Бо ин вуҷуд, навиштаи “любой ҷо” дар кӯчаҳои шаҳри Душанбе пок шуда ва баъзе аз таблуҳо иваз шуданд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |