Лағви ҳукми эъдоми қотилони Фархунда дар Афғонистон
Додгоҳе дар Афғонистон ҳукми эъдоми чаҳор сокини ин кишвар, ки дар қатли Фархунда, духтари 27-солаи афғон айбдор шуданд, лағв кардааст.
Ба гузориши “Associated Press”, ҳукми эъдоми ин чаҳор мард имрӯз, 2 июн пушти дарҳои баста дар яке аз додгоҳҳои Афғонистон баррасӣ ва бекор карда шудааст. Манбаъ мегӯяд, се нафари муттаҳам ба 20-солӣ ва нафари чаҳорум барои 10 сол равонаи зиндон шудаанд.
Фархунда, як духтари 27- солаи афғон аст, ки рӯзи 19-уми март аз ҷониби тӯдаи мардон бо иттиҳоми қуръонсӯзӣ дар шаҳри Кобул - пойтахти Афғонистон кушта шуд. Вале дар пайи тафтиши ин қазияи пулиси Кобул эълон кард, Фархунда Қуръонро насӯзондааст.
Баъдан бо қарори Додгоҳи шаҳри Кобули Афғонистон рӯзи 6 майи солди равон чаҳор нафар дар ин куштор айбдор эълон шуда, ба марг эъдом маҳкум шуданд.
Расонаҳои Афғонистон он замон гуфтанд, инчунин 8 нафари дигар барои 16 солӣ равонаи зиндон ва 18 каси дигар бегуноҳ эълон шудаанд. Дар парвандаи қатли Фархунда номи 50 мутаҳам зикр мешуд, ки 19 нафари онҳо пулис мебошанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |