29 июл 2015 10:41Тоҷикистон / Иқтисодӣ / Рӯ ба рӯ / Тема дня

Муовини Убайдуллоев гуфт, корхонаҳои арматурбарорӣ аз ҳудуди шаҳр бароварда мешаванд

Шакарбек Самадов, муовини раиси шаҳри Душанбе бо нигаронӣ аз фаъолияти корхонаҳои арматурабарории пойтахт гуфт, марҳила ба марҳила онҳо аз ҳудуди шаҳр берун хоҳанд шуд. Оқои Самадов ин нуктаро имрӯз, 28 июл дар нишасти хабарии шаҳрдории Душанбе изҳор дошт. Ӯ гуфт, таҷҳизоти ин корхонаҳо ба талаботи рӯз ҷавобгӯ нест: “Дар шаш моҳи ахир фаъолияти ду корхонаи арматурбарориро қатъ кардем”.

Ин дар ҳолест, ки ахиран Шавкат Бобозода, вазири саноат ва технологияи нави Тоҷикистон ҳам аз фаъолияти корхонаҳои оҳангудозӣ ва арматурбарории шаҳри Душанбе, ки бо технологияи асри 20-и Чин фаъолият доранд, изҳори нигаронӣ карда буд. Ҷаноби Бобозода рӯзи 23 июл дар нишасти хабарие дар Душанбе гуфт, технологияе, ки ҳоло ин корхонаҳо дар ҳудуди Душанбе кор бурда мешавад, ба талаботи муосир ҷавобгӯй набуда, бояд аз ҳудуди шаҳр берун бароварда шаванд.

Аввалҳои соли равон масъулини Кумитаи ҳифзи муҳити зист ба “Озодагон” изҳор доштанд, корхонаҳои оҳангудозие, ки феълан дар Душанбе фаъолият доранд, дар маҷмӯъ ба талабот ҷавобгӯй мебошанд. Дар баробари ин эътироф карданд, ки дар корхонаҳои оҳангудозию арматурабарории шаҳри Душанбе, ки аксаран ба соҳибкорони чинӣ тааллуқ доранд, “технологияи бобоӣ” истифода мешавад, ки дар худи Чин аз солҳои 80-уми асри гузашта инҷониб мамнӯъ мебошанд. Чин барои ба меъёрҳои экологӣ ҷавобгӯй набудан истифодаи технологияи куҳнаи оҳангудозиро манъ кардааст, аммо соҳибкорони чинӣ истифодаи ин технологияро дар маркази Тоҷикистон роҳандозӣ кардаанд ва шаҳодатномаи Кумитаи ҳифзи муҳити зистро низ дар даст доранд.

Мӯҳр

Хабарҳои монанд:

Фархор

Ана ин кори дигар бояд хамаи корхонахое ки чунин дуди зараровар доранд аз Душанбе бароварда шаванд ва дар чояшон Фабрикахои дузандагии КОСТЮМ ва БРЮК, Курта, Пойафзол ва Фабрикахои Мебелбарори сохта шаванд. Душанбе ранги дигарро мегирад.

Ҷавоб диҳед Иқтибос Шикоят

Абдуллох

Яне одамхои берун аз Шахр одам нестанд? Бечораи мардуми берун аз шахро куштенд ба ин Заводхоятон! То ба кай мардумро азоб медихед? Чаро вакте завод месозед заводи замонави намесозед то ки ба мардум зарараш нарасад? Чаноби раисон Инсоф кунед фикри насли Чавонро кунед охир ин хамма дудхо захр хастан ва ба инсон зарардорад хар хел касалхо пайдо мешавад кудакхои носолим таваллуд мешавад

Ҷавоб диҳед Иқтибос Шикоят

Сохибкор

Лекин Озодагон Шумо гузаронидед, дигар хабари нав надорен факат гирду атрофи хамин арматузаводхо онхо охир ба Шумо лозим набошанд ба мардум лозим. Ё ин чинихо ба Шумо ,,,,,,,,,, намекунанд.
Як гапи кухнаро такрор ба такрор менависи

Ҷавоб диҳед Иқтибос Шикоят

Ҳамшаҳрӣ

"Озодагон"кори хеле дурусту савоб мекунед, Хоҳишмандем корро то охир пайгирӣ намоед. Солҳост, ки ин "марҳила ба марҳила аз шаҳр берун овардан"ҳои ин корхонаҳои одамкуш ҳеҷ ба охир намерасад, махсусан дар маҳаллаи якум Советский.

Ҷавоб диҳед Иқтибос Шикоят

Холи Осмони

солхост ки собик заводи таъмири экскаваторхо дар ру ба руи беморхонаи якум советский бо дуди гализаш хавои шарро захролуд мекунад чандин бор ба макомотхои дахлдор мурочиат кардем вале ягон натича надод.Ба додамон хеч кас намеоасад.Об аз боло лой аст

Ҷавоб диҳед Иқтибос Шикоят

Эзоҳ илова кунед