29 сен 2015 15:39Тоҷикистон / Иҷтимоӣ / Дидгоҳи хос / Тема дня

Интиқоди Шарофзода аз саҳлангорӣ дар номгузории маҳалҳо: Номҳои таърихиро аз даст додем...

Гавҳар Шарофзода, раиси Кумитаи забон ва истилоҳоти Тоҷикистон, аз саҳлангорӣ дар номгузориҳои ҷуғрофӣ дар кишвар интиқод намуд, ки боиси аз байн рафтани бисёр номҳои таърихии маҳалҳо шудааст.

Шарофзода, дар ҳошияи конфронси ҷумҳуриявӣ - «Номҳои ҷуғрофӣ ва суннати номгузорӣ» пешниҳод кард, ки комиссияҳои номгузорӣ аз ҳисоби таърихшиносон, забоншиносон ва донандаҳои дигари фарҳанги қадимию мардумӣ ташкил шаванду масъалаи номгузории шаҳру деҳот ва кӯчаву хиёбон амиқ омӯхта шавад.

Ба гуфтаи иштирокдорони ҳамоиш бисёри ҷойҳо, ки номҳои таърихӣ доштаанд, ба номи ашхос гузошта шудаанд ва бархе аз номҳо зиёд такрор шудаанд.
Қаблан Умед Ҷайҳонӣ, пажуҳишгари ҷавони тоҷик дар шарҳи тағйири номи бархе аз маҳаллаҳои Тоҷикистон гуфт, “Ваҳдат”, “Истиқлол” ва “Иттифоқ”, ки аслан ҷойном нестанд, чунон бисёр шудаанд, ки бемаънитару беҳудатар шудаанд.

Умед Ҷайҳонӣ инчунин барои дарёфти роҳи дурусти номгузориву номгардониҳо чунин чораҳоро пешниҳод кард:

1. Агар бахшҳо, ободиҳо ва кӯҳу пуштаву дашту даману дарёву рӯдҳо номи тоҷикии торихӣ доранд, ҳамон ҷойномҳо бояд эҳё шавад;
2. Барои тоҷикӣ гардондани ҷойномҳои бегона аз шумори кормандони Пажӯҳишгоҳи забону адабиёт ва Фарҳангистони улуми Тоҷикистон ниҳод ва ё коргурӯҳи вижаи номгузорӣ ва номгардонӣ ташкил ва масъули пажӯҳиши ҷойномҳои кишвар шавад;
3. Дар гузиниши ҷойномҳои нав дар дараҷаи аввал эҳёи номҳои пешина ва бостонии ин ҷойҳо ва ё ҷойҳои наздик ба онҳо бо пажӯҳиш дар китобҳо ва манобеъи мавҷуд дар назар гирифта шавад.
4. Дар дараҷаи дувум сохтани ҷойномҳои нави созгор бо шароити маҳаллӣ ва вижагиҳои замнигорӣ (ҷуғрофиёӣ) дар назар гирифта шавад.
5. Номи бузургони адабу илму фарҳангу ҳунар бар созмонҳову ниҳодҳои илмиву адабӣ, фарҳангӣ ва ҳунарӣ ниҳода шавад, на бар шаҳру рустову деҳу дигар воҳидҳои марзӣ-маъмурӣ.
6. Бархе аз номҳои гузошташуда дар замони шуравӣ аз барои ёдбуди торихи навини кишвар нигаҳ дошта шавад.

Мӯҳр

Хабарҳои монанд:

Беном

Комилан дуруст қайд карда шудааст. Ёамзамон пешниёод менамоям, ки ба шаҳри Қурғонтеппа номи қадимаи Левакант гузошта шавад.

Ҷавоб диҳед Иқтибос Шикоят

Магриб

Дуруст кайд кард Шарофзода, бояд хама номгузорихо мувофикат карда шаванд. Президент чизе ки хохад мондан мегирад. Рахмат ба хонум Шарофзода, лачоми калонхоро кашидан даркор.

Ҷавоб диҳед Иқтибос Шикоят

исмоил

Офарин Умед сад дар сад суханат дуруст аст. Зиёда аз ин вожахои "вахдат", "истиклол" ва "иттифок" сирф арабианд ва дар гузашта суннати бо вожахои араби номгузори кардани шахру рустову деху махалл умуман вучуд надошт. Бовар дорам агар фардо хукумати дигаре огох аз таъриху фарханги худ сари кудрат биёяд, ному нишоне аз чойномхои мазкур нахохад монд

Ҷавоб диҳед Иқтибос Шикоят

Ишкошимӣ

Сад дар сад дуруст аст. Дар Ишкошими мо ҳам барои мисол номи Андароб, ки тоҷикии асл аст бо номи як нафар корманди собиқи мақомити давлатии шурави иваз шуд. Чунин кор дар сартосари ноҳия оғоз шудаст.

Ҷавоб диҳед Иқтибос Шикоят

Аскар

Агар саводи кофи медошти ин гапа наменавишти. Номи Андаробро касе иваз накардааст, чамоатро ба номи Замиров барои хидматхои босазояш гузоштаанд.

Ҷавоб диҳед Иқтибос Шикоят

Горони

Ишкошимӣ,
Ин чи сафсатахони!!! Пеш аз навиштан, агар камтар аклу фахмиш дошта боши истифодааш бар, дар акси хол худатро гам надех, дигронро рохгум накун!! Наход то ин дарача бесавод боши. Он чо чамоати дехотро номгузори карданд на дехаи Андаробро!!!

Ҷавоб диҳед Иқтибос Шикоят

Ишкошими-Вахони

Аз масулин хохиш дорам ба номхои зебои ориёи, ки рустохои ин минтака доранд нарасед

Ҷавоб диҳед Иқтибос Шикоят

Сокина

Дуруд ба коргарони сомона. Як пешниходе доштам. Яке аз нохияхои водии Зарафшони вилояти Сугд номи Айниро дорад. Номи пешини ин мавзеъ Фалгар аст. Ман чи маъно доштани онро намедонам, лекин бовар дорам, ки калима бо маънии нохубро ба номи махал намегузоранд. Дуюм, ба устод Айни хам эхтироми хоссаро натанхо ман, балки тамоми мардуми Точикистон коиланд. Лекин махаллу муассисахо ба номи устод дар Точикстон хеле зиёд аст. Аз ин ру, агар нохияи Айниро ба номи Фалгар иваз мекарданд, ба фикрам хеле хубу гушнавоз ва таърихи хам мебуд. Боки барори кор.

Ҷавоб диҳед Иқтибос Шикоят

Абдукаюм

Гузориши ин масъала хеле бомавкеъ ва саривактист. Вале то он замон, ки дар махалхо макомоти дахлдор бефаркона ба ин масъалаи мухим амал мекунанд, е ин ки ин карорхои беасосро "мутахассисони" аз таъриху адабиет ва забони точики бехабар тайер мекунанд, ин хел номгузориву номивазкунихо давом хоханд ефт.

Ҷавоб диҳед Иқтибос Шикоят

Беном

мухтарм Шарофзода!!!! Ин кадар пешниходе, ки то имруз кардед, кадомаш ичро шуд? Ин хам як гузариш аст, "ради галочки". Мисол: номгузории магозахоро ба тартиб медарорем, гуфта будед Шумо. Номхои хурокхоро, тарабхонахоро точики мекунем...... Чи кор кардед? Ягон кор. Так, что очередная реклама продолжается!!!!!

Ҷавоб диҳед Иқтибос Шикоят

Эзоҳ илова кунед