Масъули Кумитаи амният: Сиёсати ҳукумат зидди дин нест, баръакс...
Маҳмадов зимни мизи гирд, ки бо ташаббуси "Созандагони Ватан" дар ҳамкорӣ бо “Институти инъикоси ҷанг ва сулҳ” дар Душанбе баргузор гардид, изҳор дошт, ки мавқеи геополитикӣ ва боигариҳои Ҷумҳурии Тоҷикистон диққати абарқудратҳои ҷаҳониро ба худ ҷалб сохтааст.
Вай бо ишора ба он ки кишварҳои Африқои Шимолӣ ва бархе аз давлатҳои арабӣ ноороманд, таъкид кард, ки “баъзе неруҳо барои ба давлатҳои минтақаи Осиёи Марказӣ интиқол додани ин нобасомониҳо манфиатдоранд.”
Ин мақоми амниятии Тоҷикитсон аз он изҳори нигаронӣ кард, ки “таблиғгарони хадамоти махсуси давлатҳои хориҷӣ ва созмону ташкилотҳои террористӣ бо истифода аз ҳиссиёти аҳолӣ, суханбозиҳо дар атрофи мафҳумҳои ба ном “риояи демократия”, “таъмини ҳуқуқи инсон”, “озодии баён” кӯшиш мекунанд ҳисси нобоварии шаҳрвандонро нисбат ба сохти конститутсионӣ ва давлатдории миллӣ бедор созанд”.
Ба гуфтаи ӯ баъзе гуруҳҳо ва воситаҳои ахбори оммаи ба ном мустақил ҳукумати ҷумҳуриро ба динситезӣ гунаҳкор мекунанд. “Ҳол он ки имрӯзҳо дар мамлакат фазои озоди андешаҳои динӣ дар заминаи асли конститутсионии гуногунандешии сиёсӣ ва мафкуравӣ ташаккул ёфта истодаанд.”
Маҳмадов таъкид кард, ки “сиёсати давлат бар зидди дин нигаронида нашуда, баръакс ба ҳимоя, нигаҳдории фарҳанги миллӣ ва дин ба ҳайси як рукни муҳими он нигаронида шудааст”.
Ӯ шумораи зиёди иттиҳодияҳои динӣ, масоҷид ва бунёди масҷиди калонтарини минтақаро мисол оварда, афзуд, ки “солҳои 1943-1988 (муддати 45 сол) дар кишвари мо ҳамагӣ 34 созмони динӣ, аз ҷумла 17 масҷид, 15 калисою ибодатгоҳи масеҳӣ ва 2 куништи яҳудӣ амал мекарданд”.
Тибқи гуфтаҳои Маҳмадов “имрӯз дар ҷаҳон инқилобҳои “ранга” пас аз нокомиҳои охир ва фош гардиданашон ба инқилобҳои “интернетӣ” мубаддал гардидаанд.”
Ӯ изҳор дошт, ки технологияҳои иттилоотӣ ҷавононро ҳадафи асосии таъсиррасонӣ қарор медиҳанд, зеро сатҳи дониши сиёсию иҷтимоию динияшон паст аст: “Аз ҷумла, бо суханбозиҳои дар атрофи мафҳумҳои маъмули “демократия” ва “озодӣ” метавон ҳисси муборизаи сиёсиро дар қалби онҳо бедор кард.”
Дар мавриди омилҳои пайвастшавии ҷавонон ба гуруҳҳои ифротӣ ин мақоми амниятӣ аз ҷумла бо ҷойҳои корӣ таъмин набудани ҷавононро як далели пайвастан ба гуруҳҳои ифротӣ донист. Таҳсил дар мадрасаҳои динии кишварҳои исломӣ ва зери таъсири ақидавӣ-динии созмону ташкилотҳои динии экстримистию террористии байналхалқӣ қарор гирифтанро низ сабаби ифротӣ шудани ҷавонон шумурд. Ба гуфтаи ӯ аз ҷониби нафарони ифротгарои тоҷик ва шаҳрвандони хориҷ ба “ҷиҳод” даъват шудани муҳоҷирони меҳнатӣ дар Русия низ яке аз роҳҳои ба Сурия рафтани ҷавонон мебошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
