Русский  >>  فارسی  >>  Ҷумъа 9 декабр 2016, 05:02

ВКД изҳороти Рогозинро дар бораи қаторҳо тасдиқ кард (ВИДЕО)

16 май 2013, 10:57

Вазорати умури дохилии Русия тасдиқ кард, ки воқеан, дирӯз, 15-уми май дар истгоҳи роҳи Оқсарой аз қатори рақами 319-и Тоҷикистон 40 зарфи пластиро дарёфт кардаанд, ки тибқи иттилои пешакӣ 80 килло героин доштаанд.

Тавре Хадамоти матбуотии Вазорати умури дохилии Русия иттилоъ медиҳад, айни ҳол ҳамчун гумонбар дар қочоқи мухаддирот ду роҳбалади қатори Тоҷикистон боздошт шуда, тафтишот идома дорад.

Ин дар ҳоле, ки Дмитрий Рогозин, муовини сарвазири Русия, рӯзи чоршанбеи 15-уми май, ба расонаҳои рус хабар додааст, ки “имрӯз дар қатори Тоҷикистон 50 киллограм героин дарёфт шудааст ва ин далели он аст, ки эъродҳои мо, ки қаблан зимни бозрасии қаторҳои Тоҷикистон баён шудаанд, ҷиддӣ ва асосноканд.”

Рогозин илова намудааст, ки айни ҳол мушкилоти марбут ба қаторҳои Тоҷикистон аз ҷониби гуруҳи махсуси байниидоравӣ мавриди омӯзиш қарор дорад ва охири моҳи равон ба баррасии Комиссияи давлатӣ оид ба марзҳо гузошта хоҳад шуд.

Рогозин, ки худ раҳбарии ин комиссияро ба уҳда дорад, таъкид намудааст, ки қарори ниҳоӣ дар бахши роҳи оҳан бо назардошти манофеи Русия ва шаҳрвандони ин кишвар қабул хоҳад гардид. Ба гуфтаи муовини сарвазир айни ҳол шаҳрвандони Русия мавриди таҷовузи героинӣ қарор доранд. Ӯ таъкид намудааст, ки ин қазия сиёсӣ нест.

Қаблан Дмитрий Рогозин, ноиби нахуствазири Русия ва Генаддий Онишенко, сардухтури санитарии Русия аз қаторҳои Тоҷикистон дидан карда, изҳор доштанд, ки вазъи онҳо ба одитарин талаботи санитарӣ ҷавобгӯ нест ва пешниҳодҳое садо доданд, ки иртибот тавассути роҳи оҳан бо Тоҷикистон қатъ гардад. Мақомоти тоҷик ин иттиҳомотро комилан рад карданд.

Владимир Якунин, роҳбари Роҳи оҳани Русия, ки аввали моҳи равон дар Тоҷикистон қарор дошт, эътироф кард, ки изҳоротҳо алайҳи қаторҳои Тоҷикистон “то ҷое обуранги сиёсӣ доранд ва ин аён аст.” Худи ӯ таъкид намуд, ки Русия барои густариши ҳамкорӣ дар бахши роҳи оҳан бо Тоҷикистон ҳавасманд аст.




Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
80 кило хам гап шуд, ки Рогозин ин кадар вохима мекунад. Худо баракати умр ва мансаби Омонуллохро дихад. Иншооллох ба наздики аз 100 кило зиёдтар меравад боз

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!