Русский  >>  فارسی  >>  Якшанбе 11 декабр 2016, 18:56

Нахустин пирӯзии Мунтахаби наврасони тоҷик дар “Ҷоми Каспий”

3 июн 2013, 11:01

Дастаи мунтахаби наврасони то 16-солаи футболи Тоҷикистон дар бозии сеюмашон дар мусобиқаи байналмилалии “Ҷоми Каспий” дар Боку бар тими Урдун бо ҳисоби 2:0 ғалаба кард. Ҳар ду голро дар ин дидор ҳамлагари дастаи наврасони Тоҷикистон, Рустам Толибов ба ҳадаф расонид.

Дастаҳое, ки дар гурӯҳҳо мақоми аввалро касб кардаанд, барои ба даст овардани “Ҷоми Каспий” рақобатро идома медиҳанд. Дастаҳое, ки зинаҳои дуюмро ихтиёр кардаанд, барои ҷойҳои 5-ум ва 8-ум мубориза мебаранд ва инчунин дастаҳои дар зинаҳои охирини гурӯҳҳо қарор доранд барои ҷойҳои 9-ум ва 12-ум талош хоҳанд кард.

Мусобиқаи мазкур бо ширкати 12 даста дар пойтахти Озарбойҷон идома дорад. Дастаҳо дар чаҳор гурӯҳ қувваозмоӣ намуданд. Мунтахаби Тоҷикистон дар гурӯҳи “D” бидуни имтиёз дар ҷойи охирин қарор гирифт ва аз ҳаққи идомаи мубориза барои ҷом маҳрум шуд. Футболбозони навраси тоҷик рӯзи 4-уми июн дар бозии охирини худ бо мунтахаби Қирғизистон барои ҷойҳои 9-10-ум талош ба сабқат мебароянд.

Ёдрас мешавем, ки мунтахаби наврасони тоҷик рӯзи 29-уми май дар бозии аввалини мусобиқаи мазкур аз футболбозони навраси Уругвай бо ҳисоби 0:3 мағлуб шуда буданд ва рӯзи 30-юми май дар бозии дуюмашон аз тими наврасони Ҷопон шикаст хӯрда, аз ҳаққи идомаи қувваозмои барои гирифтани “Ҷоми Каспий” маҳрум шуда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!