Русский  >>  فارسی  >>  Якшанбе 4 декабр 2016, 13:11

Адвокат: То ҳол далели гунаҳкории Зайд Саидов пешниҳод нашудааст

3 июн 2013, 12:36

Мақомоти тоҷик, дархости вакилони дифои Зайд Саидов, соҳибкори боздоштшуда ва собиқ вазири саноати Тоҷикистонро дар мавриди гарав ба ивази раҳоӣ аз ҳабси пешакӣ рад кардаанд.

Дар ин бора Фахриддин Зокиров, вакили дифои Зайд Саидов рӯзи 3-юми июн дар суҳбат бо хабаргузории “Озодагон” изҳор дошт. Зокиров гуфт, мулоқоти охирини вакилон бо Зайд Саидов охири ҳафтаи гузашта сурат гирифт. Ӯ афзуд, зерҳимояаш дарди куҳнаи захми меъда дорад, ки дар боздоштгоҳ хуруҷ кардааст. Мақомот пешниҳоди вакилонро, ки табибон вазъи саломатии Саидовро ташхис кунанд рад намуда, таъкид доштаанд, ки ҳар дору ва табиби заруриро аз дохили худи маҳбас таъмин хоҳанд кард.

Бо гузашти ним моҳ аз боздошти Зайд Саидов то ҳол ба гуфтаи Зокиров, мақомот ба ҷузъ эълони иттиҳомоти пешакӣ далели мушаххаси гунаҳкор будани Зайд Саидовро пешниҳод накардаанд.

Зайд Саидов, соҳибкори муваффақ ва раҳбари гуруҳи ташаббускори таъсиси ҳизби “Тоҷикистони нав”, рӯзи 19-уми май боздошт шуда, ҳоло дар боздоштгоҳи муваққати Кумитаи анмияти миллӣ нигаҳдорӣ мешавад. Мақомот ӯро дар тақаллуб, чандҳамсарӣ ва сӯистифода аз мақом муттаҳам мекунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • хукукшинос

  • 2 январ 2014 19:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хукми Суди Олии ЧТ нисбати Зайд Саид кабул карда шуда конуни буда, дар ин хусус бояд ягон бахсе набошад. Чунки хакикат баркарор шуд.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!