Русский  >>  فارسی  >>  Шанбе 10 декабр 2016, 17:46

Вазорат: "Тоҷикистон дар 10 соли оянда ба форсӣ намегузарад"

12 июн 2013, 14:36

Вазорати маорифи Тоҷикистон хабари дар тӯли 10 соли оянда тағйир додани “алифбои идорӣ ва мукотиботи расмии ин кишвар” аз кириллӣ ба форсиро носаҳеҳ хонд.

Дар изҳороти Вазорати маориф, ки 12-уми июн интишор шуд, таъкид ёфтааст, то ҳол Тоҷикистон барнома ё қонунеро барои гузаштан ба хатти форсӣ омода ва тасвиб накардааст.

Ҳафтаи гузашта хабаргузории “Форс” аз қавли Алиасғари Шеърдӯст, сафири Эрон дар Тоҷикистон, навишт, Душанбе қонунеро дар заминаи тағйири мукотиботи расмӣ аз кириллӣ ба форсӣ тасвиб кардааст. Аммо Вазорати маорифи Тоҷикистон мегӯяд, “дар мулоқоти Нуриддин Саидов, вазири маорифи Тоҷикистон бо Алиасғари Яздонӣ, муовини вазири омӯзиш ва парвариши Эрон, сафири Эрон дар Тоҷикистон Алиасғари Шеърдӯст танҳо масъалаҳои марбут ба соҳаи маориф ва ҳамкории ин давлатҳоро мавриди муҳокима қарор доданд. Дар ин мулоқот дар хусуси тағйири алифбои кириллӣ ба алифбои ниёкон дар алифбои идорӣ ва мукотиботи расмӣ дар муддати даҳ соли наздик сухане садо надода буд.”

Вазорати маорифи Тоҷикистон мегӯяд, омӯзиши алифбои ниёкон ва ё хатти форсии арабиасос дар мактабҳои кишвар ба шакли пешина идома хоҳанд кард, вале Тоҷикистон ҳоло барномаи гузаштан ба ҳуруфи форсиро надорад. Ба қавли мақомот, омӯзиши алифбои ниёкон дар муассисаҳои таҳсилоти умумӣ аз синфи чор шурӯъ шуда, то синфи ҳафт идома меёбад.

“Шурӯъ аз синфи ҳашт ҳаводорони алифбои ниёкон метавонанд аз китоби “Баёзи адабиёт”, ки бо ҳуруфи форсӣ чоп шудааст, истифода кунанд”,-таъкид шудааст дар изҳороти вазорат.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саидов агар мисли ту барин инсонхо дар чомеъа намебуданд точикистон 15 сол пеш ба харфи форсии худамон бар мегашт. НАХОД, КИ ЧЕНИ УЗАКХО НАШЕМ
Посух додан
  • Точик

  • 14 июн 2013 00:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Баъди 11 сол чи? :)

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!