Русский  >>  فارسی  >>  Шанбе 3 декабр 2016, 22:41

Кӯдакдузд суроғаи ду мактаби ғайриқонунии диниро ифшо кардааст

14 июн 2013, 08:52

Абдусалом Раҷабов, як сокини 48-солаи ноҳияи Шаҳринав, ки чанд рӯз қабл бо иттиҳоми кӯдакдуздӣ дастгир шуд, суроғаи ду мактаби ғайриқонунии диниро ифшо кардааст.

Маҳмудулло Асадуллоев, сухангӯи Вазорати умури дохилии Тоҷикистон мегӯяд, бо нишондоди Раҷабов Абдусалом муайян шуд, ки “дар ноҳияи Ҳисор, ҷамоати Сомон шаҳрванд Маҳмудов Мансур бо тахаллуси «Шайх-Мансур», соли таваллудаш 1941 ноболиғони зиёдеро ба таълимоти ғайриқонунии динӣ фаро гирифта, онҳоро дар манзили истиқоматии худ, дар шароити ғайрисанитариву ғайригигиенӣ нигоҳ медоштааст, ки ноболиғони мазкур муддатҳои тӯлонӣ, дур аз таълиму тарбия ва дар ҳолати бади рӯҳиву равонӣ қарор доштаанд.”

Ҳамчунин тибқи нишондоди Раҷабов Абдусалом дар ноҳияи Шаҳринав чунин як далел ошкор карда шуда, шаҳрванд Ҳодиев Мубинхон Асадхонович соли таваллудаш 1968, бо тахаллуси «Қорӣ Мубин» боздошт карда мешавад, ки ӯ шаш нафар ноболиғонро дар манзили истиқоматии худ, айнан дар чунин шароитҳои ногувори зикргардида нигоҳ дошта, ба таълимоти ғайриқонунии динӣ фаро гирифтааст.

Вазорати умури дохилии Тоҷикистон мегӯяд, бепарвоиву бемасъулиятии падару модарон боис ба кӯчагардиву бедарак гардидани ноболиғон, рабудашудани онҳо аз ҷониби ашхоси ҷиноятпеша, ғорат гардидани ҷавоҳироту ашёҳои қимматноки онҳо ва аз ҳама бад ба таълимоти ғайриқонунии динӣ фаро гирифта шудани онҳо ва дур мондан аз таълиму тарбия ва омӯзиш дар мактабҳои таҳсилоти умумии миёна мегардад, ки қонунгузорӣ онро ҳатмӣ эълон намудаааст.

Вазорати умури дохилии Тоҷикистон зикр мекунад, ки кормандони мақомоти корҳои дохилӣ дар натиҷаи гузаронидани чораҳои оперативӣ-ҷустуҷӯӣ 11-уми июн Абдусалом Раҷабов, соли таваллудаш 1965, зода ва истиқоматкунандаи деҳаи Тоштеппаи ноҳияи Шаҳринав (соли 2010 бо моддаи 244 КҶ ҶТ суд шудааст)-ро дастгир карда, чор кӯдак, аз ҷумла ноболиғ Муҳаммадҷони Абдуҷабборро ба волидайнаш баргардонидаанд.

Ба иттилои манбаъ, дар вақти гузаронидани санҷиш маълум шуд, ки Абдусалом Раҷабов рӯзи 8-уми июн дар шаҳри Қурғонтеппа низ ноболиғон Хусрав Орифҷонов, соли таваллудаш 2004, Фаррухҷон Орифҷонов, соли таваллудаш 2003 ва Фозилҷон Буриев, соли таваллудаш 2002-ро бо баҳонаи чидани гелосу олу ҳамроҳи худ ба ноҳияи Бохтар бурдааст. Худи ҳамон рӯз аз ҷониби кормандони милитсия ноболиғони мазкур муайян ва дарёфт шуданд.

Қаблан Вазорати умури дохилии Тоҷикистон гуфта буд, ки “зимни таҳқиқи ҳодиса муайян карда шуд, ки Абдусалом Раҷабов бемории руҳӣ дошта, дар беморхонаи ҷумҳуриявии клиникии бемориҳои руҳӣ бо хулосаи “Маҷзубияти параноиди равандаш бетанаффус” дар қайд мебошад.


Шарҳи худро бинависед:

Ном:*
E-Mail:
Матни шарҳ:
Посух додан
  • salim

  • 14 июн 2013 12:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
salom
yake khub digare badtarin oyo tadtisi dini charo man, meshavad in amri kist? mahar inho musalmon nestand ki SHAYKHU QORIRO gunahkor va bad nishon medihand in amr dinzudoi nest magar agar? agar chunin ast mutlaq khukmashonro Qur,oni kareem muayan namudaast. pas hejgoh va hejvaqt naboyad ki rui inho kor namud balki korro rui fasodu fah,sho va benomoosi budr.
dar roh meguzashtam ki nokhost didam yak javon bo javondukhtar yakjoya bo ham fah,sho mekardand va boloi in hama yak dugonaash va chand pisari maktabkhon taqriban sinfi 6-7 budand intizorii onhoro mekardand toki tamom kunand va boz bo in javondukhtar yakjoya ravand oyo kadoni inho behtarast korhoi ziddi akhloqi va yo mu,minu musalmon va hofizi Qur,oni kareem budan.
dar nihoyat man shahrvandi TJK ba maqomot va hifzi huquq meguyam in korho va hifzi shahrvandon behtareen va muvaffaq boshed ammo bar ziddi ISLOMI AZIZ kor nabared ki in din sohib dorad v a sohibash ofaridgori movu shumo va zaminu osmonhost.
boqi TJK-ro Alloh nigohbon bosh az hama badiho////////////////////
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сабаб ва дуздидани кудакон аз чи бошад ?яне дуздида чикор мекунанд?

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!