Русский  >>  فارسی  >>  Якшанбе 11 декабр 2016, 14:53

Қудратов ба муфаттишон маъқул нашуд, ё ба Зайд Саидов?

26 июн 2013, 13:09

Зайд Саидов, соҳибкори боздоштшудаи тоҷик, ки айни ҳол дар боздоштгоҳи муваққати Кумитаи амният нигоҳдорӣ мешавад, аз хидмати яке аз вакилони мудофеаш, Шуҳрат Қудратов даст кашидааст.

Шуҳрат Қудратов дар суҳбат бо хабаргузории “Озодагон” аз ин изҳори бехабарӣ кард, аммо ба оҷонсии “Азия плюс” таъйид намудааст, ки “рӯзи 25-уми июн Зайд Саидов хабар дод, ки аз хидматҳои ман даст мекашад. Зерҳимояам гуфт, ки каме нороҳат мешавад, вақте ман барои ҳимояаш ба мавқеи ҷониби дифоъ якравӣ мекунам ва ин баъзан ба муфаттишон намефорад.”

Қудратов фарзан гуфтааст, ки Зайд Саидов аз хидматҳои ӯ таҳти фишори муфаттишон даст кашидааст. Айни ҳол ду вакили мудофеи дигар, Исҳоқ Табаров ва Фахриддин Зокиров ба ҳимояи Зайд Саидов машғул мебошанд.

Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Ӯ дар қаллобӣ, гирифтани ришва, сӯистифода аз мақом ва серзанагӣ муттаҳам мешавад. Коршиносони тоҷик иттиҳомот алайҳи Зайд Саидовро супоришӣ унвон карда, ба азмаш барои ворид шудан ба майдони сиёсат марбут медонанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!