Русский  >>  فارسی  >>  Якшанбе 4 декабр 2016, 15:12

Сатр монеи вохӯрӣ бо президенти Тоҷикистон шуд

26 июн 2013, 16:53

Як бонуи сатрпӯши тоҷикро аз феҳрасти пешвозгирандаҳои президент дар мулоқот бо ҷомеаи шаҳрвандӣ, ки фардо, 27-уми июн, дар Душанбе баргузор мешавад, берун кардаанд.

Шукрона Мирзоева рӯзи 26-уми июн ба “Озодагон” гуфт, хонуме бо номи Азиза аз шӯъбаи фарҳанги шаҳри Душанбе ба ӯ занг зада гуфтааст, ӯро ҳамроҳ бо нуҳ тан аз иштирокчиёни дигари озмуни маҷаллаи «VIP zone» барои пешвозгирӣ аз раисиҷумҳур даъват мекунанд: «Гуфтанд, ки соати 16:00 ба шӯъбаи фарҳанг биё, чиптаатро медиҳем. Дубора пурсид, ки ту кадом иштирокчӣ будӣ? Гуфтам, ҳамон сатрпӯш. Гуфт, ин тавр бошад, набиё».

Шукрона Мирзоева, духтари ҳиҷобпӯшест, ки дар озмуни «Симои маҷалла»-и «VIP zone», аввалин маҷаллаи барроқи (глянтсевий)-и Тоҷикистон, ба даври финалӣ роҳ ёфт. Шукрона новобаста аз талаботи озмун тарзи либоспӯшии худро иваз накард. Ӯ донишҷӯи риштаи рӯзноманигорӣ буда, гуфта буд, «ин чорабинӣ ба ман имкон медиҳад, то нишон диҳам, ки ҳиҷоб монеи пешрафти ман шуда наметавонад».

Гуфта мешавад, мулоқоти раисиҷумҳури Тоҷикистон бо намояндаҳои ҷомеаи шаҳрвандӣ, фардо, 27-уми июн ба муносибати таҷлил аз Рӯзи ваҳдати миллӣ баргузор мешавад.


Шарҳи худро бинависед:

Ном:*
E-Mail:
Матни шарҳ:
Ба қафо | Ба пеш

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!