Русский  >>  فارسی  >>  Сешанбе 27 июн 2017, 12:01

Ҳушдори Бонки Миллӣ аз вуруди сомониҳои қалбакӣ ба Тоҷикистон

28 июн 2013, 13:16

Бонки миллии Тоҷикистон бо ирсоли як нома муассисаҳои молиявии кишварро хабардор кардааст, ки аз хориҷа ба Тоҷикистон маблағи калони қалбакӣ ворид шудааст.

Ин ниҳод ба роҳбарони ташкилоти қарзӣ, соҳибони нуқтаҳои мубодилаи асъор ва шуъбаи бонкҳо дар навоҳии Тоҷикистон ҳушдор додааст, ки тибқи иттилои расида аз хориҷа ба кишвар пулҳои қалбакии миллӣ ё сомонӣ ворид гардидаанд.

Бонки Миллӣ аз муассисаҳои молиявӣ хостааст, дар табодулу гирифтани пули миллӣ эҳтиёткор бошанд ва барои ифшои пулҳои қалбакӣ чораҳои иловагии назоратию техникӣ биандешанд. Бонки Миллӣ аз иштирокдорони бозори нақд даъват кардааст, дар сурати ошкор намудани пулҳои қалбакӣ фавран мақомоти қудратӣ ва Бонки Миллиро огоҳ созанд.

Тибқи ин нома, ки бо имзои А.Неъматов, муовини раиси Бонки Миллӣ, ирсол шудааст, масъулини муассисаҳои молиявӣ вазифадор шудаанд, сари ҳар моҳ аз чорабиниҳояшон барои ифшои пулҳои қалбакӣ ба Бонки Миллӣ гузориш диҳанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!