Русский  >>  فارسی  >>  Душанбе 5 декабр 2016, 09:29

Нигаронии Достиев аз рейдҳои ҷавонони ниқобпӯшу мусаллаҳ

1 июл 2013, 15:48

Абдумаҷид Достиев, сафири Тоҷикистон дар Маскав вобаста ба рейдҳои ғайриқонунии як гуруҳ ҷавонони ниқобпӯшу мусаллаҳи Русия алайҳи муҳоҷирон, имрӯз, 1-уми июл, ҷаласа доир намуда, аз масъулин расидагӣ ба чунин қазияҳоро талаб намудааст.

Достиев аз ҷумла рейди ахири аъзоёни ҳаракати «Щит Москвы»-ро, ки бо таппончаҳо ва зарфҳои газӣ мусаллаҳ шуда, дар хобгоҳи муҳоҷирони корӣ дар кӯчаи Ян Фабритсиуси Маскав санҷиш гузарондаанд, зикр карда, ҳушдор додааст, ки такрори он метавонад бо даргириҳои оммавӣ анҷомад.

Сафорат мегӯяд, намояндагони ҳаракати «Щит Москвы»-28-уми июн бе ҳузури мақомоти расмӣ худсарона муҳоҷирини корӣ аз ҷумла тоҷиконро мавриди санҷиш қарор додаанд ва онҳоро бо таҳқиру зӯрӣ аз иқоматгоҳ берун намудаанд ва ҳузурашонро дар Русия ғайриқонунӣ хондаанд.

Намояндагии Тоҷикистон дар Маскав ҳушдор медиҳад, ки чунин санҷишҳои худсарона бе ҳузури намояндагони мақомоти расмӣ дар оянда метавонад ба даргириҳои оммавӣ анҷомад. Баъди муроҷиати сафорат мақомоти Русия ваъда додаанд, ки ҷузъиёти ин қазия таҳқиқ хоҳанд шуд.

Аъзои созмони ҷамъиятии «Шит Москви», ки ҳадафашро ҳимоя аз пойтахти Русия медонанд, алайҳи муҳоҷирати ғайриқонунӣ баромад мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!