Русский  >>  فارسی  >>  Панҷшанбе 8 декабр 2016, 07:02

Муроҷиати эътилофи маъюбон ба ҳукумати Тоҷикистон

8 июл 2013, 16:47

Эътилофи созмонҳои ҷамъиятии ҳомии маъюбон, имрӯз, 8-уми июл, рӯзи маъюбону пиронсолон бо пахши як муроҷиатнома аз ҳукумати Тоҷикистон хостаанд, Конвенсияи СММ оид ба ҳуқуқи маъюбонро ба тасвиб расонад.

Эътилоф, ки 9 созмони ҳомии ҳуқуқи башар ва маъюбонро дар бар мегирад, аз ҳукумати Тоҷикистон даъват намудааст, Конвенсияи маъюбонро тасвиб карда, воло будани сиёсати иҷтимоиро дар кишвар нишон диҳад. Ин Конвенсия, ки моҳи декабри соли 2006 қабул ва аз майи соли 2008 мавриди амал қарор гирифтааст, ба маъюбон имтиёзҳои зиёд барои табобат, таҳсил, ҷойи кор, дастрасӣ ба иншооти кӯмакрасон ва ғайра пешбинӣ мекунад.

Айни ҳол ин конвенсияро 155 кишвари дунё имзо намуда, 130 кишвари дигар аллакай онро ба тасвиб расондаанд. Тоҷикистону Белорусия дар ҳудуди ИДМ ягона кишварҳое мондаанд, ки то ҳол Конвенсияи байналмилалии ҳуқуқи маълулонро ба имзо нарасондаанд.

Дар ҳамин ҳол созмонҳои ҷамъиятӣ ва байналмилалӣ борҳо аз ҳукумати Тоҷикистон даъват намудаанд, ки Конвенсияи СММ дар бораи ҳуқуқҳои маъюбонро ба имзо расонад. Аммо ҳукумати Тоҷикистон аз тасвиби конвенсия худдорӣ мекунад ва далели он камбуди маблағ арзёбӣ мешавад, чун баъди тасвиби конвенсия ҳукумат уҳдадор аст барои маъюбон имтиёзҳоро фароҳам орад ва ба ҷомеаи байналмилалӣ ҳисобот диҳад, вале барои ин маблағ надорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!