Русский  >>  فارسی  >>  Якшанбе 4 декабр 2016, 02:51

Зайд Саидов гуфтааст, имкони рӯза гирифтан надорад

9 июл 2013, 12:13

Зайд Саидов, соҳибкори боздоштшудаи тоҷик, ки айни ҳол дар боздоштгоҳи Кумитаи амнияти миллӣ нигоҳдорӣ мешавад, дар суҳбат бо наздиконаш гуфтааст, имкони рӯза гирифтан надорад ва хоҳиш кардааст, ба мискинон дар ин моҳи Шариф хайр кунанд.

Зайд Саидов дар паёми худ ба наздиконаш изҳори таассуф кардааст, ки аз сабаби беморӣ ва надоштани шароит наметавонад рӯза бигирад. Бинобар ин наздикони Саидов мегӯянд, бо хоҳиши ӯ ва бар асоси шариати Исломӣ дар моҳи шарифи Рамазон 60 мискинро бо таом таъмин хоҳанд кард.

Зайд Саидов, соҳибкори шинохта ва раҳбари гуруҳи ташаббускори таъсиси ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Ӯ қаблан ҳам аз дарди захми меъда ранҷ мебурдааст ва ин беморияш дар боздоштгоҳ якбора хуруҷ намудааст.

Нуриддин Тӯраҷонзода, маъруф ба Эшони Нуриддин, дар арафаи фарорасии моҳи шарифи Рамазон фатво дода буд, нафароне, ки аз сабаби беморӣ рӯза дошта наметавонанд, бояд ҳар рӯзи рамазон ба як мискин таъом, ё маблағи онро диҳанд: “Масалан моҳи рамазон 30 рӯз бошад, онҳо дар як рӯз ба 30 мискин таъом диҳанд, ё ба 1 мискин 30 рӯз таъом диҳанд. Инчунин ихтиёр доранд маблағи таъомро ба як хонадони камбағал пеш аз иди рамазон диҳанд (миқдори таъоми як мискин 10 сомонӣ аст, яне онҳо ҳамаша ҳисоб карда 300 сомонӣ диҳанд).”


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!