Русский  >>  فارسی  >>  Якшанбе 4 декабр 2016, 02:48

Ҳасан Асадуллозода гуфтааст, монеи фурӯши биноҳои “Мовароуннаҳр” намешавад

10 июл 2013, 09:50

Ҳасан Асадуллозода, раиси “Ориёнбонк”, намояндагони ширкати сохтмонии “Мовароуннаҳр”-ро қабул карда, ваъда додааст, ки барои ҳалли мушкили онҳо мусоидат хоҳад кард.

Бузургмеҳр Ёров, вакили мудофеи саҳмдорони ширкати “Мовароуннаҳр”, имрӯз, 10-уми июл дар суҳбат бо хабаргузории “Озодагон” гуфт, “раиси “Ориёнбонк” моро ба хубӣ қабул кард, асосҳои моро гӯш кард ва изҳор дошт, ки монеи фурӯши биноҳои дар гаравбудаи “Мовароуннаҳр” нахоҳад шуд.”

Раиси “Ориёнбонк” дар муроҷиат ба намояндагони “Мовароуннаҳр” гуфтааст, “биноҳоро худатон фурӯшед. Муштарӣ ёбед ва бо кадом маблағе, ки хоҳед фурӯшед, вале пулҳои моро баргардонед.”

Ба гуфтаи Бузургмеҳр Ёров қарор шуд, ки фардо 11-уми июл, “бо муҳосибҳои “Ориёнбонк” ва “Тоҷиксодиротбонк” вохурему масъалаи фоизҳоро, ки аз кадом ҳисоб пайдо шудаанд, баррасӣ намоем.“

Чанде қабл Шуҳрат Исматуллоев, муовини аввали Ҳасан Асадуллозода, раиси «Ориёнбонк», бо ирсоли як нома гуфтааст, «Мовароуннаҳр» аз ин бонк наздики 5 миллион сомонӣ қарздор мебошад ва то ин қарз пардохт нашавад, биноҳои дар гаравмонда ба муштариён бозгардонда нахоҳанд шуд. Чунин як иддаоро алайҳи “Мовароуннаҳр” “Тоҷиксодиротбонк” низ пеш гузоштааст.

Ба гуфтаи Бузургмеҳр Ёров “аз рӯи ҳисобу китоби Агентии назорати давлатии молиявӣ ва мубориза бо коррупсияи Тоҷикистон ширкати «Мовароуннаҳр» аз “Ориёнбонк” ҳудуди 2 миллиону 400 ҳазор сомонӣ қарздор аст, на панҷ миллион сомонӣ.”

Ёров дар мавриди афзудани қарзҳо аз ҳисоби фоизу ҷаримаҳо барои саривақт напардохтани қарз афзуд, “қонунгузорӣ мегӯяд, агар ягон шароити ногувор ба вуҷуд биёяд, пас, дар ин ҳолат тарафҳо аз уҳдадорӣ озод карда мешаванд. Ин аст, ки “Ориёнбонк” нисбати “Мовароуннаҳр” набояд ҷаримаю фоизбандӣ татбиқ намояд. Ба ҳама маълум аст, ки муддати се сол ҳамаи амволи "Мовароуннаҳр аз тарафи мақомоти қудратӣ ба ҳабс гирифта шуда буд ва имкони фаъолият кардан надошт.”

Ёдрас менамоем, фаъолияти ширкати «Мовароуннаҳр» баъд аз ҳабси Ҷӯрабек Охунов, раиси пешини он дар соли 2010 қатъ шуда, суратҳисоб ё худ молу амволи ин ширкат ба ҳабс гирифта шуд. Саҳҳомони ширкат мегӯянд, мақомот ба ҳар далел монеи давоми кори ширкат мешаванд ва имкон намдиҳанд, ки ширкат биноҳои нимсохтаашро ба итмом расонад ва мизоҷонро бо хона таъмин намояд.

Аммо ахиран раисиҷумҳури Тоҷикистон, Эмомалӣ Раҳмон, ба қазияи муштариёни ин ширкат дахолат карда, дастур дод, ки масъалаи онҳо омӯхта ва ҳал шавад.


Шарҳи худро бинависед:

Ном:*
E-Mail:
Матни шарҳ:
Посух додан
  • точик

  • 10 июл 2013 11:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мардаки хуб будааст ку Хасан. Мана дар гап медаромадаасту, вохима мекунанд журналисто. пулканихои худшона намеген ..
Посух додан
  • Rambo

  • 11 июл 2013 04:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Интихобот дар пеш. Хасан команда гирифтагист, ки мардума зулм накунад пешоруи интихобот. Хама ин нармихо бо шарофати интихобот.точик,

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!