Русский  >>  فارسی  >>  Якшанбе 4 декабр 2016, 17:14

“Тоҷикстандарт” намаки мусодиракардаро дар роҳҳо мепошад

10 июл 2013, 16:42

Анқариб 16 ҳазор тонна намаки ошии ғайристандартӣ пас аз мусодира аз ҷониби кормандони “Тоҷикстандарт” дар вилояти Хатлон, ҳамчун хӯроки чорво ба фермаҳои чорводорӣ ва баҳри об кардани яхи роҳ дар айёми зимистон ба идораҳои нигоҳдории роҳҳои автомобилӣ супурда шудааст.

Илҳомиддин Валиев, раиси “Тоҷикстандарт” дар вилояти Хатлон, ин иттилоъро тасдиқ намуда, афзуд, ки истеҳсол ва фурӯши ин гуна намак аз аввали сол дар панҷ ҳолат дар шаҳри Қӯрғонтеппа ва навоҳии Ҷиликӯл, Ҳамадонӣ, Восеъ фош карда шудааст.

Дар ин росто, табибони Маркази бемориҳои ғадуди дарунаи вилояти Хатлон аз афзоиши бемории ҷоғар, бинобар истеъмоли намаки йоднокарда изҳори нигаронӣ намуда, иттилоъ медиҳанд, ки “айни замон дар қаламрави вилояти Хатлон расман 25 ҳазор нафари мубталои бемории ҷоғар ба қайд гирифта шудааст, ки шумораи бештарашон кӯдакони синни мактабӣ ва занони ҷавон мебошанд.

«Мутаассифона, 40 дарсади занони аз 18 то 30-сола ё ба худ занҳои қобили таваллуд дар вилояти мо аз бемории мазкур ранҷ мекашанд, ки ин рақам бисёр нигаронкунанда маҳсуб меёбад»,-изҳор дошт табиби маркази номбурда Илёсиддин Саидов ва таъкид кард, ки “бемории ҷоғар метавонад дар баъзе маврид ба ҷони модару кӯдаки даруни батн таҳдид ҳам намояд."


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!