Русский  >>  فارسی  >>  Якшанбе 11 декабр 2016, 11:01

Дахолати Эмомалӣ Раҳмон ба мушкилиҳои “Тоҷик Эйр”

18 июл 2013, 12:58

Эмомалӣ Раҳмон, раисиҷумҳури Тоҷикистон, имрӯз, 18-уми июл, зимни ҷаласаи мушовараи ҳукумати кишвар дастур додааст, ки барои ҳалли мушкилоти молиявию иқтисодии ширкати ҳавопаймоии «Тоҷикэйр» чораҳо андешида шаванд.

Тавре дафтари матбуоти раисиҷумҳури Тоҷикистон хабар медиҳад, Эмомалӣ Раҳмон супориш додааст, ки беҳбуди хизматрасонии ҳавоӣ, ҷалби бештари муштариён ба ширкатҳои ватанӣ ва сохтмони терминали нави фурӯдгоҳи шаҳри Душанбе вусъат дода шаванд.

Ин таваҷҷуҳи раисиҷумҳур ба бахши ҳавопаймоӣ дар ҳолест, ки созмонҳои байналмилалӣ ба Тоҷикистон то моҳи ноябри соли равон муҳлат додаанд, то камбудиҳои бахши ҳавопаймоиро ислоҳ созад. Созмонҳои байналмилалии ҳавонавардӣ гуфтаанд, агар санҷиш дар моҳи ноябр нишон диҳад, ки камбудҳои мавҷудаи бахши ҳавонавардӣ ислоҳ нашудаанд, ба ширкатҳои ҳавоии Тоҷикистон парвоз дар фазои Иттиҳоди Аврупо ва як қатор кишварҳои дигар мамнуъ хоҳад шуд.

Ин дар ҳолест, ки Низом Ҳакимов, вазири нақлиёти Тоҷикистон, низ ахиран зимни ҷаласаи машваратии ин вазорат ҳушдор дод, ки агар камбудҳои бахши ҳавопаймоии кишвар ислоҳ нагарданд, ин соҳа ба рӯйхати сиёҳи байналмилалӣ ворид мегардад. Вазир зимни ҷаласа таъкид кардааст, қариб ҳар парвози дуюм дар кишвар бо таъхир сурат мегирад. Аз ҷумла, таъкид шудааст, ки ҳамагӣ 54 дарсади парвозҳо дар кишвар саривақт амалӣ мегарданду боқимонда дер мемонанд.

Тибқи иттилои расмӣ аз 7 ширкати ҳавопаймии сабтиномшуда дар ҷумҳурӣ дар бозори кишвар танҳо 3 ширкат фаъолият намуда, ба таври комил аз иҷрои вазоифашон намебароянд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!