Русский  >>  فارسی  >>  Ҷумъа 9 декабр 2016, 10:44

Пиряхи Хирсон маҷрои рӯди Абдулқаҳҳори Ванҷро баст

20 июл 2011, 08:21

Пиряхи  Хирсон, ки яке аз забонаҳои бузурги Федченко маҳсуб мегардад, ахиран ба ҳаракат даромадааст.


Зимни як сӯҳбати телефонӣ бо хабаргузории «Озодагон» Ҷаъфар Холов, масъули ихтиёрии ҳолатҳои изтирории ҷамоати Рованд, сокини рустои Поймазори ноҳияи Ванҷ гуфт,  кӯҳи азими яхин маҷрои рӯди Ванҷро, ки дар саргаҳаш исми Абдулқаҳҳорро дорад, барои 12 соат баст. Гуфтанист, масофаи ҳаракати пирях 525 метрро ташкил дод. Бар асари бархӯрди ях ба кӯҳи «Дасти Рост»  ҳавзи бузурги об ба вуҷуд омад, хушбахтона оби дарё зери яхро шикофта, ҳоло ба маҷрои қаблиаш ҳаракат дорад. Ҳоло барои сокинони минтақа то ҷое хатар аз миён рафтааст, афзуд Холов.
Дар ҳамин ҳол, кормандони кумитаи ҳолатҳои фавқуллода ва як гурӯҳ аз олимони иқлимшиносу яхсанҷон тавассути чархбол аз ҷойи воқеъа дидан кардаанд. Бино ба иттилои ситоди ноҳиявии ҳолатҳои изтирорӣ ва мудофиаи шаҳрвандӣ дар ноҳияи Ванҷ, баландии пиряхи фаромада беш аз 100 метр буда паҳноии он бештар аз 200 метр аст. «Ҳоло роҳи ҳаракат ва ҳодисаи бандшавии об аз ҷониби масъулин наворбардорӣ гардида, то поёни рӯзи 20-уми июл хулосаи коршиносон пешниҳод хоҳад гашт», -иттилоъ доданд дар ҳукумати ноҳияи Ванҷ.                          
Маврид ба ёдоварист, пиряхи «Хирсон» ҳамеша ва ба таври муддавом дар ҳаракат аст, аммо баъди ҳар 15-25 сол суръати лағжиши он афзуда, мушкилотеро ба миён меорад. Мутахассисони ин соҳа дар солҳои 1916, 1937, 1951, 1963, 1973, 1989 ҳаракати  онро ба қайд гирифтаанд, ки роҳи Ванҷобро баста буд ва пас аз ҷорӣ шудани оби ҷамъшуда ба ин водӣ ва дигар манотиқи поёноби дарёи Панҷ хисороти зиёде ворид кардааст. {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!