Русский  >>  فارسی  >>  Сешанбе 6 декабр 2016, 20:56

“Ором бошед! Кӯли Сарез дар ҷояш асту хавф надорад”

19 июл 2013, 17:38

Масъулони Кумитаи ҳолатҳои изтирорӣ ё фавқулодаи Тоҷикистон вазъи кӯли “Сарез”-ро хубу бехатар арзёбӣ карданд.

Абдусаттор Хушвахтов, муовини аввали раиси Кумита рӯзи 19-уми июл дар нишасти хабарии ин ниҳод гуфт: “Мо ба наздикӣ ҳамроҳи як гурӯҳи кории кормандони Кумитаи ҳолатҳои фавқулода аз мавзеи кӯли “Сарез” аз ин мавзеъ боздид кардем. Мо зина ба зина пиёда то ба маркази Кумитаи ҳолатҳои фавқулода, ки дар он ҷо ҳаст, баромада рафтем. Вазъи кунунӣ дар “Сарез” хуб аст.”

Ба гуфтаи Хушвахтов, қарори ҳукумати Тоҷикистон ҳам барои ташкили як базаи истироҳатӣ дар наздикиҳои ин кӯл содир. “Агар ин базаи истироҳатӣ ё туризм ташкил карда шавад, бисёр хуб аст. Агар базаи туризм ташкил карда шавад, сохтори мо низ ташаккул меёбад ва дигар корҳоро пеш мебарад дар он ҷо. Метавонед ором бошед, кӯли Сарез бе хавф аст”,-афзуд, Абдусаттор Хушвахтов.

Ин дар ҳолест, ки чанд рӯзи пеш Кумитаи ҳифзи муҳити зисти Тоҷикистон оби кӯли «Сарез»-ро барои панҷуним миллион сокини минтақа хатарбор унвон карда буд. Талбак Салимов, раиси ин кумита, рӯзи 16-уми июл гуфта буд, "агар дар «Сарез» ягон ҳодиса сар занад, мақомоти тоҷик фақат системаи хабардоркунӣ дар даст доранд, ки хабар медиҳанд, то мардум аз минтақаҳои ғарқшавӣ бароянд."


Шарҳи худро бинависед:

Ном:*
E-Mail:
Матни шарҳ:
Посух додан
  • Мусо

  • 22 июл 2013 09:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайронем ба кадомаш бовар кунем яке мегуяд хатари зиёд дорад дигараш мегуяд ором бошед?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!