Русский  >>  فارسی  >>  Якшанбе 4 декабр 2016, 11:07

Мулло Умарро аз тариқи SMS-ҳо «куштанд»

20 июл 2011, 10:24

Субҳи имрӯз дар телефонҳои ҳамроҳ ва нишонаҳои электронии намояндагони ҳаракати «Толибон» паёмҳое расидааст, ки аз марги бунёдгузори ин ҷунбиш Мулло Муҳаммад Умар хабар медиҳад.


Расонаи электронии «newsru.com» менависад, ирсоли смс-ҳои дурӯғ кори дасти хакерҳоест, ки телефонҳои мобил ва почтаи электронии намояндагони Толибонро шикастаанд. Дар паёмакҳои электронӣ гуфта мешавад, ки пешвои маънавии Толибон ба ҳалокат расид, «Худо ҷояшро ҷаннат кунад».      
"Хароб кардани шабакаҳои телефонӣ кори дасти ҷосусони амрикоист. Мо аз операторони алоқаи мобилӣ қасос хоҳем гирифт", -таҳдид кардааст як толиб бо исми Забеҳулло Муҷоҳид. Вай гуфтааст, sms дар мавриди ҳалокати мулло Умар аз ду рақаме, ки дар гузашта Толибон истифода мекарданд ва ҳоло фаъол нест, расидааст.
Қурбонии дигари ҳамлаи хакерҳо Муҳаммадюсуф Қорӣ гуфтааст, "шикастани хатти телефонӣ ва ирсоли паёмакҳо амали нерӯҳои НАТО аст, ки мехоҳанд ба «Толибон» аз ҷиҳати равонӣ таъсиргузор бошанд".
Ин бори аввал нест, ки дар мавриди марги Мулло Абдулло хабари бардурӯғ паҳн мешавад. Авохири моҳи майи имсол шабакаи телевизионии «Тулӯъ»-и Афғонистон аз эҳтимоли кушта шудани ӯ иттилоъ дод. Баъдан, ин маълумот аз ҷониби кормандони хадамоти амниятӣ рад карда шуд.
Баъди кушта шудани раҳбари «Ал Қоида» - Усома бини Лодан, ки «Террористи рақами 1 дар ҷаҳон» шинохта шуда буд, ҳукумати ИМА чандин маврид ишора намуд, ки «сайд»-и навбатияшон Мулло Умар хоҳад буд.
Бояд гуфт, Толибон дар соли 1996 зери раҳбарии Мулло Умар пойтахти Афғонистон-шаҳри Кобулро таҳти назорат гирифтанд. Ҳукмронии онҳо то соли 2001 давом намуд ва то имрӯз номбурда ҳаракати  «Толибон»-ро алайҳи нерӯҳои НАТО ва нерӯҳои ҳукумати Афғонистон раҳбарӣ мекунад. Тибқи баъзе маълумотҳо Мулло Умар дар шаҳри Кветтаи Покистон ба сар мебарад, вале толибони маҳаллӣ ин хабарро рад карда мегӯянд, пешвояшон дар Афғонистон аст. Ногуфта намонад, ки барои «калла»-и Мулло Умар ИМА 10 миллион доллар   ваъда кардааст. {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!