Русский  >>  فارسی  >>  Чоршанбе 7 декабр 2016, 17:31

Иззат Амон мегӯяд, ТВ “Сафо” марбути ягон ҳизбу созмон нест

23 июл 2013, 14:48

Иззат Амон, раҳбари Иттиҳоди ҷавонони Тоҷикистон дар Русия, мегӯяд, базудӣ аз мақомоти Маскав иҷозаномаи таъсис ва фаъолияти телевизиони тоҷикии “Сафо”-ро ба даст хоҳанд овард.

Ӯ рӯзи сешанбеи 23-юми июл ба “Озодагон” гуфт, дар ҳоли ҳозир студияи “Сафо” ба пахши барномаҳои худ тавассути интернет шурӯъ карда, наворҳояшон бештар аз ҳаёти муҳоҷирони тоҷик дар Русия қисса мекунад. Раиси Иттиҳоди ҷавонони Тоҷикистон дар Русия гуфт, ҳадаф аз таъсиси чунин як телевизион имкони инъикоси зиндагии шаҳрвандони тоҷик дар Русия аст. “Албатта, бо таваҷҷӯҳ ба ин мо метавонем бигӯем, ки барномаҳо бештар хусусияти фарҳангӣ ва омӯзишӣ хоҳанд дошт. Вале мо медонем, ки қариб ҳар падида дар ҷомеа ба сиёсат низ рабт дорад. Ҳамон тавре ки муҳоҷирони тоҷик бештар қурбони вазъи сиёсӣ мешаванд”,-афзуд ӯ.

Аммо ба қавли Иззат Амон, “Сафо” ба ҳеч гурӯҳ ва ҳизби сиёсӣ рабт надошта, танҳо аз тарафи Иттиҳоди ҷавонони Тоҷикистон, ки дар ҳоли ҳозир 6 ҳазор узв дорад, роҳандозӣ мешавад. Дар мавриди эҳтимоли ҳамкорӣ бо шабакаҳои телевизионии Тоҷикистон Иззат Амон гуфт, “аслан дар гумон аст, ки телевизионҳои дохилӣ хоҳиши ҳамкорӣ бо «Сафо» кунанд. Зеро аксар барномаҳои шабакаҳои Тоҷикистон хусусияти таърифӣ дошта, дар «Сафо» барномаҳо бештар хусусияти интиқодӣ доранд.”

Ба гуфтаи Иззат Амон, ҳоло студияи «Сафо» дар Маскав 10 коргар, аз қабили хабарнигорону коргардонҳо, бидуни музд ё маош кор мекунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Оличаноб! Тарафдор хастем!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ахсан ба шумо устод Иззат
Худованд иззати дорайнро ба шумо ато фармояд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!