Русский  >>  فارسی  >>  Якшанбе 11 декабр 2016, 13:01

Узбакистон сохтмони роҳи оҳан тариқи ағбаи Камчикро оғоз кард

24 июл 2013, 13:04

Узбакистон сохтмони роҳи оҳан тариқи ағбаи Қамчиқро, ки қаламрави Тоҷикистонро канор мегузорад оғоз кард.

Ба навиштаи торнамои “12news.uz”, ин роҳи оҳан қаламрави Тоҷикистонро канор гузошта, водии Фарғона(вилояти Намангон, Андиҷон ва Фағона)-и Узбакистонро бо қисамти дигари минтақаи ин кишвар ба ҳам мепайвандад. Манбаъ мегӯяд, роҳи оҳани мазкур ҳудуди 125 киллометр тул дошта, бар ивази беш аз 2 миллиард доллар бунёд хоҳад шуд.

Ин роҳи оҳан тариқи ағбаи Қамчиқ бо баландии 2,3 ҳазор метр аз сатҳи баҳр убур мекунад. Ҳоло тариқи ин ағба ягона роҳи автомобилгардест, ки Тошкандро бо водии Фарғона мепайвандад.

Ислом Каримов, раисиҷумҳури Узбакистон дар ҷаласаи ғайринавбатии Шӯрои намояндагони мардумии вилояти Андиҷон, ки моҳи апрели соли ҷорӣ баргузор шуд, бунёди ин роҳро ба миён гузошта, гуфта буд: “Дар водии Фарғона беш аз 10 миллион нафар ба сар мебарад. Мо ғалат мекунем, агар ба набудани як роҳи оҳан, ки ин водиро бо қисамти дигари кишвар мепайвандад, аҳамият надиҳем. Ин масъала бояд то соли 2014-2015 ҳалли худро ёбад ва ин роҳ бояд то соли 2016 мавриди истифода қарор гирад.”

Ин дар ҳолест, ки ахиран торнамои "Узметроном" аз қавли бархе аз иқтисоддонон гуфта буд: “Бунёди роҳи оҳани Узбакистон, ки қаламрави Тоҷикистонро канор мегузорад, баъд аз 300 сол низ хароҷоташро рӯпӯш нахоҳад кард.” Ба навиштаи ин торнамо сохтмони роҳи оҳани мазкур хусусияти сиёсӣ дорад, на иқтисодӣ.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!