Русский  >>  فارسی  >>  Душанбе 5 декабр 2016, 13:31

Ширкати миллиардери эронӣ монополисти Тоҷикистон эълон шуд

25 июл 2013, 13:07

Хадамоти зиддиинҳисории Тоҷикистон ширкати “Осиё Экспресс”-ро ба феҳристи монополистҳо дар кишвар ворид намудааст.

Масъулини ин Хадамот, имрӯз, 25-уми июл, зимни нишасти матбуотӣ гуфтанд, минбаъд бо дохил шудани “Осиё Экспресс” теъдоди монополистҳо дар кишвар ба 46 адад расид, ки ҳамаашон дар феҳрасти давлатӣ буда, фаъолияту нархгузории онҳо дар мувофиқа бо ин хадамот сурат хоҳад гирифт.

Мусофирбарҳои хурди ширкати "Осиё Экспресс" кори худро дар Тоҷикистон, аз 15-уми март оғоз карда, аз 38 хатсайре, ки Саристгоҳи шаҳри Душанбе дар солҳои пешин доштааст, айни ҳол дар 12-тои он автобусҳои ин ширкат ҳаракат мекунанд. Ин ширкат ҳоло дар хатсайрҳои Душанбе-Ваҳдат, Душанбе-Ваҳдат-Файзобод, Душанбе-Ваҳдат -Обигарм ва Душанбе-Ваҳдат-Обигарм-Роғун ва ба навоҳии вилояти Хатлон, Қӯрғонтеппа, Ҷалолиддини Румӣ, Қумсангир, Панҷ, Данғара, Фархор Абдураҳмони Ҷомӣ ва шаҳри Кулоб фаъолият мекунад.

Тибқи иттилои масъулини Осиё Экспресс дар мувофиқа бо Хадамоти зиддиинҳисорӣ нархи як чиптаи хатсайри Душанбе-Қӯрғонтепа 18 сомонӣ, Душанбе-Ҷалолиддини Румӣ 25 сомонӣ, Душанбе-Дӯстӣ 30 сомонӣ, Душанбе-Ваҳдат 5 сомонӣ, Душанбе-Файзобод 10 сомонӣ, Душанбе-Обигарм 18 сомонӣ, Душанбе-Кӯлоб 40 сомонӣ, Душанбе-Абдураҳмони Ҷомӣ 15 сомониро ташкил медиҳад.

Ин дар ҳолест, ки Шодӣ Шабдолов, вакили парлумони Тоҷикистон, ахиран зимни ироаи сабукиҳои андозию гумрукӣ ба “Осиё Экспрес” дар парлумон суол гузошт, ба чӣ далеле ҳукумат ва парлумон бояд ба “Осиё Экспресс” ин имтиёзҳоро ироа кунад? Шабдолов аз он изҳори нигаронӣ кард, ки тибқи мушоҳидаҳо хизматрасонии ширкати мазкур ба маротиб гаронтар аст: “Ҷое, ки бо 3 сомонӣ мерафтем, таксиҳои “Осиё Эскпрес” ба ивази 25 сомонӣ мебаранд. Пас, суоле ба вуҷуд меояд, чаро ба чунин ширкатҳое, ки ба мардум ба ҷои сабукӣ вазнинӣ меоранд, имтиёз медиҳем?”

"Осиё Экспресс", аз ҷумлаи ширкатҳои марбут ба Бобак Занҷонӣ, миллиардери эронӣ арзёбӣ мешавад, ки мақомоти тоҷик ба онҳо имтиёзҳои зиёди гумрукию андозиро ироа кардаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Иктисодшинос

  • 25 июл 2013 15:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Охир ингуна ширкатхо ба ду нафар хидмат мекунанд, хам ба худи сохиби ширкат яъне Бобак ва хам ба шарики дар точикистон будаашон ки хеши Калон аст ва ё аслан худи Калон. Пас вакте муштари дар наклиёти онхо нишаст бояд ба ду нафар пул дихад хам ба Бобак ва хам ба Калон.
Посух додан
  • устувор

  • 25 июл 2013 15:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ТАБИАТИ МО ТОЧИКОН ХАМИН АСТ ХУДКУШИ БЕГОНАПАРВАР ЗАЙДРО ЗИНДОНИ МЕКУНЕМУ ЗАНЧОНИИ БЕГОНАРО ИМТИЁЗ КОНУНИ МЕДИХЕМ КИ БО ПУЛИ МО МОРО ГУЛОМИ ХУД КУНАД
Посух додан
  • Dev

  • 25 июл 2013 23:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Monopolisiti rakami avval dar Tojikiston "shirkati" "Rahmon i Ko" astu bas !
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
душанбе - абдураҳмони ҷоми вабше н намера!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар нарху хизматрасонии ин ширкат ба мардум маъкул нашавад, ба такси раванд. Лекин мусофирони аз автобусхои ОЭ рози бисёранд. Нагз кор мекунандИктисодшинос,
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мунед Эрониë кор кунад..узбаку қирғиза роҳ медиҳед ку.ҳеҷ гап не ки акун ҳамзабони худамо кор кунад.Ҳозир агар ягон хитойи ë муғули ифлос кунад падхалими мекунанд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!