Русский  >>  فارسی  >>  Чоршанбе 7 декабр 2016, 02:44

Бонки Ҷаҳонӣ аз Туркманистон "рӯй мегардонад"?

31 июл 2013, 09:07

Ҳомиёни байналмилалии ҳуқуқи башар ба Бонки Ҷаҳонӣ тавсия додаанд, то дар Туркманистон ислоҳоти идорӣ сурат нагирад, аз беҳтар намудани равобиташ бо ин кишвар худдорӣ кунад.

Торнамои “Gundogar” аз қавли Ҷессика Эванс, яке аз кормандони баланпояи Созмони “Human Rights Watch” иттилоъ додаанд, ки ин ниҳод ба хотири надоштани Туркманистон як барномаи дақиқ дар мавриди ислоҳоти идорӣ ҳамкориашро бо ин кишвар қатъ мекунад.

Ин ниҳоди байналмилалӣ мегӯяд, дастовардҳои иқтисодии Туркманистон ҳоло ба манофеи мардумаш истифода намешаванд. Зеро бо вуҷуди манобеи бузурги нафтию газиаш фақр дар миёни мардуми ин кишвар ҳукумфармост. Бар асоси барномаи рушди Созмони Милали Муттаҳид, шумораи зиёди маргумири кудакони то 5-солаи туркман Туркманистонро миёни давлатҳои дунё дар мақоми охирон қарор додааст.

Ин дар ҳолест, ки ба иттилои манбаъ, Бонки Ҷаҳонӣ шуруъ аз соли 1997 то кунун барои Туркманистон ягон тарҳе надоштааст.

Туркманистон яке аз кишварҳои пушидатарин дар ҷаҳон ба шумор меравад, ки расонаҳои мустақил, озодии баён ё озодии баргузории тазоҳурот дар он вуҷуд надорад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!