Русский  >>  فارسی  >>  Ҷумъа 9 декабр 2016, 05:01

Муҷозоти имомхатиб барои хутбаи никоҳи Фотимаи ноболиғ

2 август 2013, 11:29

Саидазам Атоев, имомхатиби масҷиди “Имом Бухорӣ” дар ҷамоати Унҷии ноҳияи Бобоҷон Ғафуров барои никоҳи ноболиғ ба як сол ба корҳои ислоҳӣ маҳкум шуда, дар ин муддат бист дарсад аз маошаш низ ба буҷаи давлат ситонида хоҳад шуд.

Дар ин бора ба “Озодагон” Тоҷиддин Саидов, додситони ноҳияи Бобоҷон Ғафуров, хабар дода, вале нагуфт, ки имомхатиб аз кадом ҳисоб маош мегирад ва он чӣ қадар аст. Оқои Саидов гуфт, Саидазам Атоев ҳанӯз як соли қабл барои хондани хутбаи никоҳи Фотима Расулова, ки ҳанӯз 16-сола будааст, айбдор мешуд.

Бар асоси қонунҳои Тоҷикистон синни никоҳӣ дар кишвар 18-солагӣ муқаррар шудааст. Қонун баъзе ҳолатҳои истисноӣ, яъне издивоҷ дар синни 17-ро низ пешбинӣ карда, вале гуфтааст, ин кор бо қарори додгоҳ имконпазир хоҳад буд.

Дар ҳоле “ҷинояти” як имомхатиб дар ноҳияи Бобоҷон Ғафуров “рӯи об мебарояд”, ки рӯзи чоруми июли соли ҷорӣ Эмомалӣ Раҳмон, раисиҷумҳури Тҷоикистон, бо рӯҳонёин дидору мулоқот ва дар он ҷиноятҳои ҳоҷиёну муллоҳоро низ баршумурд.

Ӯ аз ҷумла аз қазияи Собир Гиёеви 34-сола ёдоварӣ кард, ки дар Восеъ бо лақаби “Мулло Собир” маъруф будааст. Оқои Раҳмон гуфт, “Мулло Собир аввал бо як зан издивоҷ мекунад ва пас аз чанд муддат духтари хурдсоли ин занро, ки аз ӯ 27 сол хурд, яъне ноболиғи 12-сола мебошад, ба никоҳи худ дароварда, ба ҳамин роҳ ҷиноят содир кардааст”. Баъд аз ин, қиссаи Мулло Собир зуд ба расонаҳо роҳ ёфт ва чанд бор аз тариқи телевизионҳои давлатии Тоҷикистон ҳам намоиш дода шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ilohi ddargirand chunin imomkhatibho...va ba in khel harom bayni ashkhoshi baruhonii in dier biser bar inho rahmon hast ki kame lajomashonro kashid,agar ne dunero darmegironanad LANAT BA INHO

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!