Русский  >>  فارسی  >>  Шанбе 10 декабр 2016, 02:15

ЮНИСЕФ ба судяҳои тоҷик муносибати дуруст бо кӯдаконро меомӯзонад

6 август 2013, 16:14

Мари Пер Пуаре, директори генералии созмони ЮНИСЕФ дар кишварҳои Осиёи миёна, Аврупои шарқӣ ва Иттиҳоди муштаракулманофеъ, тасмим гирифтааст, судяҳои Тоҷикистонро тариқи ин созмон аз омӯзиш гузаронад.

Ин нуктаро номбурда дирӯз, 5-уми август дар Душанбе зимни ифтитоҳи нахустин толори махсуси додгоҳӣ барои ноболиғон иброз дошта, таъкид кард, ки дар чунин ҳуҷраҳо фаъолияти судҳои ботаҷриба ва омӯзонидашуда нақши хеле муҳим мебозад.

Мари Пер Пуаре илова намуд, ки барои фаро гирифтани судяҳо бо омӯзиш дар ЮНИСЕФ барномаи махсус аст: «Баробари ҳуҷраҳои махсус барои муҳайё сохтани низоми хуби адлия ба кӯдакон, судяҳои омӯзонидашуда, низ нақши муҳим мебозанд».

Қаблан Сафарбек Нуралиев, судяи ноҳияи Исмоили Сомонӣ дар суҳбат ба «Озодагон» иброз намуда буд, ки ҳангоми мурофиаи додгоҳӣ бо ҳузури ноболиғон, акнун судя, прокурор ва дигар шоҳидон дар толори маҷлиси судӣ нишаста, кӯдак ҳамроҳи омӯзгор дар утоқе, ки барои ноболиғон бо таҷҳизоти махсус, қалам дафтар ва ғайра ҷиҳозонида шудааст, менишинад ва ӯро тариқи омӯзгор мепурсанд: “Раисикунандаи суд аз толори маҷлиси судӣ тавассути омӯзгор ба кӯдак савол медиҳад ва ноболиғ пайхас намекунад, ки саволро судя дода истодааст».

Толор ва утоқи махсус барои пурсиши ноболиғон дар Душанбе бо кӯмаки ЮНИСЕФ ташкил шудааст ва барои ташкили чунин толору утоқ дар 4 навоҳии пойтахт 14 ҳазор доллар ҷудо шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!