Русский  >>  فارسی  >>  Якшанбе 11 декабр 2016, 18:56

Ҷилавгирӣ аз даргирии қавмӣ дар марзи Тоҷикистону Қирғизистон

13 август 2013, 11:40

Мақомоти пулиси вилояти Бодканд сади роҳи низои қавмӣ дар манотиқи марзии Қирғизистон бо Тоҷикистон шудаанд.

Хабаргузории “Кg.24” аз қавли пулиси вилояти Ботканди Қирғизистон иттилоъ медиҳад, ки чанде қабл миёни ҷавонони деҳаи Оқсои ин кишвар ва шаҳрвандони Тоҷикистон дар наздикии деҳаи Ворух муноқишае ба миён омадааст.

Манбаъ мегӯяд, ин даргирӣ дар пайи ворид шудани гусфанду бузи шаҳрвандони Тоҷикистон ба қаламрави Қирғизистон ба миён омадааст: “Дар аввал миёни шаҳрвандони Тоҷикистону Қирғизистон даргириҳои лафзӣ ба миён омада, баъдан ба партови санг ба ҷониби ҳамдигар табдил ёфтааст. Ҳузури саривақтии мақомоти пулиси ду ҷониб боиси хотима ёфтани задухурд гардидааст.”

Ба иттилои манбаъ, дар натиҷаи ин даргирӣ касе осеб надидааст. Маврид ба зикр аст, ки даргирӣ миёни шаҳрвандони Тоҷикистону Қирғизистон дар ин манотиқ бори аввал набуда, моҳи майи соли ҷорӣ низ дар ин минтақа задухурде миёни шаҳрвандони ду кишвар сурат гирифта буд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!