Русский  >>  فارسی  >>  Сешанбе 6 декабр 2016, 22:58

Ҳулбукро бо бозёфтҳо аз захираи Академияи улум ғанӣ мекунанд

14 август 2013, 16:15

Аз пойгоҳи захиравии институти таърих, бостоншиносӣ ва мардумшиносии Академияи илмҳои Тоҷикистон як миқдор бозёфтҳо ва гаҷкориҳо барои ғанӣ гардонидани фонди осорхонаи мамнӯъгоҳи таърихию фарҳангии Ҳулбук супорида шуданд.

Бино ба иттилои Раҳматулло Раҳматуллоев, сухангӯи вазорати фарҳанг, бозёфтҳо ва гаҷкориҳо мансуб ба қарнҳои Х-ХI мелодӣ, ки солҳои 70-80-уми қарни гузашта ҳангоми гузаронидани корҳои бостоншиносӣ аз қасри шоҳони Хуттал- шаҳри Ҳулбук бозёфт гардида буданд ба фонди осорхонаи мамнӯъгоҳи таърихию фарҳангии Ҳулбук супорида шуданд.

Раҳматулло Раҳматуллоев дар суҳбат ба хабаргузории “Озодагон” инчунин афзуд, ки “ин иқдом дар ҳолати баъди бозсозии осорхонаи Ҳулбук, ки ҳоло дар арафаи анҷомёбист дастоварди бузурги илму фарҳанги халқи тоҷик ба ҳисоб меравад”.
Бояд қайд кард, ки шаҳраки Ҳулбук алакай ба рӯйхати пешакии “ЮНЕСКО” ворид гардидааст ва дар минтақаи Осиёи Миёна ягона ёдгорие мебошад, ки дорои чунин миқдори зиёди гаҷкориҳо ва навиштаҷоти кӯфӣ аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!