Русский  >>  فارسی  >>  Якшанбе 11 декабр 2016, 11:01

Ваҷҳи нав дар баҳси Абдуқаюми Қаюмзод бо Радиои Озодӣ

20 август 2013, 12:47

Додгоҳи марҳилаи касатсионии шаҳри Душанбе, имрӯз, 20-уми август, даъвои Абдуқаюми Қаюмзод, журналисти тоҷикро, ки талаб дорад, ба ҷои кораш дар Радиои Озодӣ барқарор шавад, рад намуда, қарори додгоҳи ноҳияи Исмоили Сомониро дар ин маврид бетағйир гузошт.

Абдураҳмон Шарифов, намояндаи Қаюмзод мегӯяд, дар баҳси касатсионӣ ҷониби “Озодӣ” ваҷҳи навро ироа намудааст, ки гӯиё ба Қаюмзод пешниҳоди кор дар Прагаро карда буданд, вале журналист инро рад намудааст: “Дар баҳсҳои қаблӣ як аз ваҷҳҳои ҳимояи Қаюмзод ин буд, ки дар сурати надодани акредитатсия Радиои Озодӣ имкон дошт, Қаюмзодро дар хориҷ аз кишвар, Бишкек ё Прага бо кор таъмин намояд. Ҷониби “Озодӣ” дар мавриди ягон мавқеъгирӣ намекард. Аммо имрӯз ғайриинтизор намояндаи додситонӣ дар баҳси касатсионӣ изҳор дошт, ки ба Қаюмзод кор дар Бишкеку Прагаро пешниҳод намудаанд вале ӯ рад кардааст.” Ҷониби Қаюмзод мегӯяд, чунин пешниҳодро нагирифтааст.

Абдураҳмон Шарифов афзуд, ки ният доранд, ба марҳилаи болотари додгоҳ муроҷиат намоянду аз ҳаққи Қаюмзод ҳимоя кунанд: “Аммо аз ин пештар мехоҳем ба масъалаи акредитатсия рӯшанӣ андозем. Мехоҳем, донем, ки мушкил дар қонунгузорӣ аст ё дар татбиқи қонунҳо. Масъалаи акредитатсияро Вазорати умури хориҷӣ ба шахси ҳуқуқӣ ҳал мекунаду дар миён ҳуқуқҳои меҳнатии коргар поймол мешаванд. Ин ҳамаро баррасӣ карда, ба марҳилаи болотари додгоҳ хоҳем рафт.”

Абдуқаюми Қаюмзод аз соли 2001 то моҳи декбари соли гузашта ба Радиои Озодӣ гузориш медод. Аммо дар моҳи декабри соли гузашта Вазорати умури хориҷии Тоҷикистон ӯро огоҳ кардааст, ки сабти номаш тамдид намешавад ва ӯ дигар ҳаққи гузориш додан ба Радиои Озодиро надорад. Дар пайи ин, Радиои Озодӣ шартномаи ҳамкорӣ бо Абдуқаюми Қаюмзодро қатъ кардааст.

Аммо рӯзи чоруми июни соли ҷорӣ зимни мурофиаи додгоҳӣ Муродбек Асламов, намояндаи Вазорати умури хориҷии Тоҷикистон, гуфт, баъд аз анҷоми муҳлати аккредитатсияи Абдуқаюми Қаюмзод вазорат 5-уми ноябри соли 2012 Радиои Озодиро расман огоҳ кардааст, ки фаъолияти ин хабарнигор 31-уми октябр анҷом ёфта, то сабти номи дуборааш набояд гузориш диҳад. “Лекин бо вуҷуди огоҳии вазорат мо ҳисоб кардем, ки беш аз 20 матлаби Қаюмзод дар радио пахш шуданд. Ин мухолифи муқаррароти додани аккредитатсия аст ва бинобар ин вазорат ба хабарнигор акредитатсия надод”,-афзуд Муродбек Асламов.

Абдуқаюми Қаюмзод ҳам гуфт, аз ин огоҳии Вазорати умури хориҷӣ огоҳ набуд ва ин суолро пеш гузошт, ки дар ҳоле фаъолияти ӯ манъ будааст, чаро роҳбарияти радио, аз ҷумла Соҷидаи Мирзо, раиси бахши тоҷикии он, иҷозат додааст, то матлабҳояш нашр гарданд. Қаюмзод гуфт, “агар роҳбарияти Радиои Озодӣ ҳамон замон, баъд аз огоҳии Вазорати умури хориҷӣ ба ман мегуфтанд, ки фаъолияти ту минбаъд дар радио мумкин нест, ман ҳам корро идома намедодам. Аммо дар бораи чунин огоҳиномаи Вазорати умури хориҷӣ нагуфтанд.”

Он замон Хуршед Андамов, раҳбари дафтари Радиои Озодӣ дар Душанбе, гуфта буд, ин шарҳи намояндаи Вазорати умури хориҷиро дуруст намеҳисобанд. Зеро ба гуфтаи ӯ, Вазорати умури хориҷӣ онҳоро дар бораи пахшу нашр накардани гузоришҳои Абдуқаюми Қаюмзод огоҳ накарда буд. Қаблан Хуршед Андамов (Хуршеди Ҳамдам), дар суҳбат бо "Озодагон" гуфт, “ҳам роҳбарияти "Озодӣ" дар Душанбе ва ҳам дар Прага аз қатъи ҳамкорӣ бо Абдуқаюми Қаюмзод хеле мутаассиф аст. Сабаби аслии қатъи қарордод аккредитатсия нашудани Қаюмзод дар Вазорати умури хориҷии Тоҷикистон мебошад. Бо вуҷуди баҳсу баррасиҳои роҳбарияти Радиои Озодӣ ба Вазорати умури хориҷӣ ин ниҳод ба Қаюмзод аккредитатсия надод ва дигар мо маҷбур шудем, қарордодро қатъ кунем, чун тибқи қонунгузориҳои Тоҷикистон хабарнигор бе сабти Вазорати умури хориҷӣ ҳақ надорад, дар “Озодӣ” кор кунад.”

Андамов таъкид кард, қатъи қарордод бо Қаюмзод дар доираи қонунгузории Тоҷикистон сурат гирифтааст: “Дар Кодекси меҳнат ҳолатҳое пешбинӣ шудаанд, ки қатъи қарордоди меҳнатӣ бидуни хоҳиши тарафҳо сурат мегирад.”


Шарҳи худро бинависед:

Ном:*
E-Mail:
Матни шарҳ:
Посух додан
  • Озод

  • 20 август 2013 14:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Анадов чи хел хабарнигор аст ки ягон мавода нахондем. То чойе шунидам ки кулоби хасту аз землякои Сочидахон...Каюмзод ту барин хабарнигорон барои Озоди лозим нести...ончо бесавод бошу пул гири...
Посух додан
  • Сабур

  • 20 август 2013 15:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз як чо ки чавоб доданд, дигар бо суд хам баркарор куни кор карда наметавони. Такдири Саёф хамин хел буд. Чи кадар чанчол карду судбози, лекин нашду, ки нашуд-да. Журналисти дуруст боши сад чои дигари кор хаст. Бисёрихо бо 1000 сомони кор карда истодаанд.Ба фикрам дар Озоди пули калон мегирифт, ки ин кадар даъво дорад. Бехуда...
Посух додан
  • Рустам

  • 20 август 2013 16:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бардаро ин радиои Озоди тамом шудагиай. Абдукаюмако шуморо агар зор кунанд нарав дигар ончо. Хама мегуянд ки Озоди чанд сол аст ки махалгарои дораду барномахояш хам тамом шудагиайю Хай чандто хамшахр пулакои конгреси амеркара мезананд дигар ягон фоида аз ин радио нест
Посух додан
  • davron

  • 20 август 2013 18:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рост дигар ягон фоида нест. Дигар шуморо намегузоранд Турчонзодаву Кабириро таблиг карда пул кор кунед
Посух додан
  • Окилпур

  • 21 август 2013 00:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мегум, ами Сочида руз ба руз хушуру шидестай. Дар ёшиёш ика хушру набуд.
Каюмзод боша дигар катаги накунад,махмадонои фоидаш кам. Акредитатсият надодан надодан. Хизмати амрикоихора хела карди, акнун хизмати Точикистона кун. Сайёфа бин, сари вакт фахмид хуккабозихои Озодира (амрикоиёра). Ту боши холи хам нафахмидаи.
Посух додан
  • хоркаш зогаков

  • 21 август 2013 07:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хамин одам Андамов ё Андомов аст?
Посух додан
  • саид

  • 21 август 2013 08:11
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар Окилпур , туро хам ки 1000 , 1500 доллар хар мох бтан чаро Озоди , гуфта судбози накуни . Аслан барои и журналистон давлату миллат гуфтани гап нест. Касе пули калон бтан сиехро сафед гуфтан мегирнад. Дар бадбахтии касе дигар сохиби пул мешаванд..

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!