Русский  >>  فارسی  >>  Шанбе 3 декабр 2016, 22:40

Ҷаъфаров: То 2 сентябр се гузаргоҳ бо Афғонистон баста хоҳанд буд

20 август 2013, 15:25

Наврӯз Ҷаъфаров, муовини сардори Хадамоти санитарӣ – эпидемиологии Тоҷикистон мегӯяд, то 2 юми сентябри соли равон се гузаргоҳи марзии Тоҷикистону Афғонистон дар минтақаи Дарвоз, Хоруғ ва Ишкошим баста хоҳанд буд.

Ҷаъфаров, ки имрӯз, 20-уми август бо “Озодагон” суҳбат мекард, изҳор дошт, ки ин иқдом аз 18-уми август бо ибтикори Вазорати тандурустӣ ва мусоидати мақомоти қудратӣ амалӣ шуда, мақсади он ҷилавгирӣ аз интиқоли беморӣ ба Тоҷикистон аст.

Ин масъули беҳдошти Тоҷикистон гуфт, “тибқи иттилои мо дар минтақаҳои наздисарҳадии Афғонистон бо вилояти Бадахшон бемории вабо хуруҷ кардааст ва айни замон вазъ дар Афғонистон ташвишовар мебошад. То ҳол зиёда аз 1700 нафар сокинони ҳамсоякишвар гирифтори ин беморӣ шудаанд.”

Ҷаъфаров афзуд, минтақае, ки дар он хуруҷи вабо сабт шудааст, аз сарҳади Тоҷикистон 150 киллометр дуртар мебошад ва хушбахтона то ҳол ин беморӣ дар Тоҷикистон ба қайд гирифта нашудааст. Мақомот мегӯянд, то хуб шудани вазъият гузаргоҳҳои марзӣ баста хоҳанд монд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!