Русский  >>  فارسی  >>  Шанбе 10 декабр 2016, 13:46

Қазон бори нуҳум мизбони ҷашнвораи синамои исломӣ мешавад

28 август 2013, 11:06

Аз 5 то 11-уми сентябр дар шаҳри Қазон нуҳумин ҷашнвораи байналмилалии синамои исломӣ баргузор мешавад. Дар ин бора Гузел Нигматулин, муовини вазири фарҳанги Татаристон хабар додааст.

Ба иттилои расида, ҳоло ба комиссияи интихобӣ, ки онро мунақиди кино Сергей Лаврентев раҳбарӣ мекунад, беш аз 450 филм аз 54 кишвар пешниҳод шудааст. Барои барномаи озмунӣ 50 филми бадеӣ, ҳуҷҷатӣ ва тасвирӣ аз 24 кишвари Аврупо, Осиё ва Африқо, аз ҷумла Туркия, Эрон, Қазоқистон, Фаронса, ИМА, Бритониёи Кабир, Русия, Аморати муттаҳидаи Араб, Шветсия, Сербия, Қатар ва Олмон интихоб шудааст.

Ба иттилои торнамои “Интерфакс-Дин” бори нахуст дар ҷашнвораи Қазон синамосозони Синегал низ намунаи кори худро пешниҳод кардаанд.

Синамосозон барои ҷоизаҳо дар даҳ номинатсия талош хоҳанд кард. Ҳамчунин чанд созмони минтақавӣ ва байналмилалӣ низ ҷоизаҳои махсус созмон додаанд.

Ҷашнвораи Қазон, ки то соли 2010 “Минбари зарин” ном дошт, аз соли 2005 ба ин сӯ ҳамасола гузаронда мешавад. “Тавассути муколамаи фарҳангҳо ба фарҳанги муколама”-шиори синамобазми мазкур аст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!