Русский  >>  فارسی  >>  Шанбе 3 декабр 2016, 03:14

Варзишгарони тоҷик дар Доғистон соҳиби чор медал шуданд

2 сентябр 2013, 13:58

Ҳайати дастаи мунтахаби Тоҷикистон оид ба муҳорибаҳои омехта, ки дар мусобиқаи кушод миёни варзишгарони аз 18 то 21-сола дар шаҳри Махачкалаи Доғистон ширкат карданд, ду медали тилло ва ду нишони нуқра ба даст оварданд.

Тавре Сайдалӣ Уразалиев, президенти Федератсияи муҳорибаҳои омехтаи Тоҷикистон, ба “Озодагон” иттилоъ дод, мусобиқаи мазкур ҳар охири моҳ миёни клубҳои шинохтаи ҷаҳон баргузор мегардад: “Тоҷикистонро клуби “Наврӯз”-и Комбинати гӯшт ва консерваи шаҳри Душанбе ва клуби “Барқ”-и ширкати “Барқи тоҷик” муаррифӣ карданд.”

Уразалиев гуфт: “Дар сабқатии олии мусобиқаи мазкур Маҳмадуллои Искандар дар вазни 73 кило бар ҳарифи худ ғолиб омада, медали тиллои мусобиқаро ба даст овард. Ахмед Мирзоев дар вазни 67 кило дар даври чоруми мусобиқа, ҳарифи худро шикаст дода нишони тиллоро соҳиб шуд. Шукрулло Носиров дар вазни 62 кило ва Азиз Ҳайдаров дар вазни 73 кило дар даврҳои чоруму панҷуми мусобиқа ҷойҳои дуюмро соҳиб шуда, нишонҳои нуқраи мусобиқаро сазовор гардиданд.

Варзишгарони тоҷикро дар ин мусобиқа Сайдалӣ Уразалиев, президенти Федератсияи муҳорибаҳои омехтаи Тоҷикистон ва Шайдулло Ахмедов мураббии Федератсияи муҳорибаҳои омехтаи Тоҷикистон ҳамроҳӣ карданд.



Шарҳи худро бинависед:

Ном:*
E-Mail:
Матни шарҳ:
Посух додан
  • Акобир 94

  • 2 сентябр 2013 16:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин ба шермардони точик! Озодагон чоп кунед, мо бо шумоемш.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!