Русский  >>  فارسی  >>  Ҷумъа 18 август 2017, 08:00

Русия: Боздошти шаҳрванди Узбакистон бо гумони қатли ҳамватанаш

5 сентябр 2013, 10:59

Пулиси шаҳри Тулаи Русия гуфтааст, бо иттиҳоми куштори як шаҳрванди 38-солаи Узбакистон табааи дигари ин кишварро боздошт кардаанд.

2-юми сентябр дар кӯчаи Кауля ҷасади марде бо нишонаҳои марги маҷбурӣ пайдо шуд. Баъдан хабар расид, ки ин нафар шаҳрванди Узбакистон аст. Пулис мегӯяд, дар пайи чораҳои фаврӣ-ҷустуҷӯӣ маълум шуда, ки ин нафар аз дасти шаҳрванди дигари Узбакистон ба ҳалокат расидааст. Гуфта мешавад, ҳар дуи онҳо дар кӯчаи Пионер ба корҳои сохтмонӣ машғул будаанд. Дар пайи як моҷаро боздоштшуда ба бадану сари ҳамватани худ бо корд чанд зарба мезанад. Ҷабрдида мехоҳад аз ҷои ҳодиса фирор кунад, аммо аз ҷароҳатҳои зиёд дар кӯчаи Кауля ҷон медиҳад.

Аз рӯи ин ҳодиса парвандаи ҷиноӣ боз шуда, тафтишот идома дорад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!