Русский  >>  فارسی  >>  Душанбе 5 декабр 2016, 19:33

Ҷузъиёти бозпурсии 4 узви фаъоли ҲНИТ дар Кумитаи амнияти миллӣ

7 сентябр 2013, 14:03

Чаҳор узви ҳайати эъзомшудаи Ҳизби Наҳзати Исломии Тоҷикистон (ҲНИТ) ба Бадахшон, ки рӯзи ҳафтуми сентябр ба Кумитаи давлатии амнияти миллӣ даъват шуда буданд, ҷузъиёти суҳбаташон бо маъмурони амниятиро шарҳ доданд.

Зарафо Раҳмонӣ, мушовири ҳуқуқии раиси ҲНИТ ва яке аз даъватшудаҳо, гуфт, маъмурони амниятӣ бештар дар бораи баёноте, ки моҳи гузашта дар Хоруғ дода буданд, суҳбат кардаанд. Мусоҳиби мо афзуд, “чаҳор узви ҳайати эъзомшудаи Ҳизби Наҳзати Исломӣ ба Бадахшон -- Воҳидхони Қосиддин, Раҳматуллоҳи Раҷаб, Саодатшоҳ Адолатшоев ва ман Зарафо Раҳмонӣ, ки ба КДАМ даъват шуда будем, ширкат доштем. Дар ҷараёни суҳбат ба мо маълум гардид, ки манзур аз ин даъват ба хотири ошкор гардидани ҷинояти дар шаҳри Хоруғ рухдода будааст.”

15-уми августи соли ҷорӣ як ҳайат аз Ҳизби наҳзати исломии Тоҷикистон, ки барои анҷоми сафари корӣ ба вилояти Бадахшон рафта буданд, мавриди ҳамлаи афроди ношинос қарор гирифтанд. Ҳамлагарон бештар Саодатшо Адолатшоевро мавриди латту кӯб қарор дода буданд, ки ҳоло раҳбарии бахши бадахшонии ҲНИТ-ро ба уҳда дорад. Зарафо Раҳмонӣ мегӯяд, мақомоти Кумитаи амнияти миллӣ низ хостори онанд, ки ин ҷиноят ҳарчи зудтар ошкор гардад.

“Моро барои он даъват карда буданд, ки дар бораи баёноти додаамон рӯшанӣ андозем, то барои таҳқиқи ин қазия ба онҳо кумак кунад. Ин суҳбати мо бо масъулини КДАМ тӯли якуним-ду соат давом кард ва онҳо хеле як суҳбати хуб анҷом доданд”,-афзуд Зарафо Раҳмонӣ.

Ин бори аввал нест, ки аъзои ин ҳайати эъзомшудаи ҲНИТ ба Бадахшон ба Идораи амният ва дигар ниҳодҳои давлатӣ даъват мешаванд. Чанд рӯз пештар яке аз аъзои ин ҳайат ба дафтари КДАМ дар Душанбе даъват шуда ва дар робита ба сафари ҳайат бозпурсӣ гардида буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам кормандони Озодаон. Чй ин кадар аз намояндагони ХНИТ кахрамон меторошед. Имруз шохиди иштироки раиси ин хизб дар чаласаи тантанавй бахшида ба Рузи Истиклолият будам. Кабири хамин кадар хомушу доим чапак мезад, ки кайф мекардй. Биёед аъзои ин хизб кори худатонро кунед. Шуморо чи мондаасту дастгирии ин хизб!!!! Чашни истиклолият муборак! Озодагон озода бошу чоп кун!
Посух додан
  • фаромарз

  • 7 сентябр 2013 16:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин хизб максаду кушиши бисёр дорнад на барой ислом.нияти мусалмон агар нек бошад ба максад мерасад
Посух додан
  • hisor

  • 7 сентябр 2013 18:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
boz megued hukumat dar fikri mo nest.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!