Русский  >>  فارسی  >>  Панҷшанбе 8 декабр 2016, 10:57

Бекешев таҷрибаи мошинҳои сиёҳшишаро дар Тоҷикистон “ибратомӯз” гуфт

11 сентябр 2013, 16:58

Парлумони Қирғизистон додани иҷозат барои сиёҳ кардани шишаи мошинҳоро дар ин кишвар баҳс дорад.

Достон Бекешев, вакили парлумони қирғиз, имрӯз, 11-уми сентябр дар ҷаласаи парлумон пешниҳод кардааст, то дар Қирғизистон таҷрибаи Тоҷикистон, ки ба ивази маблағ иҷозати сиёҳ кардани шишаи мошинҳоро медиҳад, роҳандозӣ шавад: “Тоҷикистон аз ҳисоби мошинҳои сиёҳшиша 8 миллион доллари амрикоӣ ба даст овардааст, аммо дар мо мегӯянд, ки ин дуруст нест.”

Бекешев бо зикри боздидаш аз Тоҷикистон таъкид кардааст, “ки дар Тоҷикистон сиёҳ кардани шишаи мошин 500 доллари амрикоӣ меистад. Мо низ бояд ин таҷрибаро амалӣ кунем. Ин кор ба теъдоди сонеҳаҳои нақлиётӣ дар роҳҳо таъсире надорад, чун садамаҳо аксаран омилҳои инсонӣ доранд.”

Ҳукумати Тоҷикистон дар моҳи январи соли 2010 бо тасвиби як қарор, ба ронандаҳо барои сиёҳ кардани шишаи мошинҳо бар ивази 500 доллар дар як сол иҷоза дод. Як гурӯҳи вакилони тоҷик он замон изҳор дошта буданд, ки шишаҳои сиёҳ дар худравҳо барои саломатии инсон фоида дорад ва он то 45 дарсад осебпазирӣ аз нури офтобро коҳиш медиҳад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!