Русский  >>  فارسی  >>  Якшанбе 11 декабр 2016, 16:51

Масъули Бонки Ҷаҳонӣ дар бораи ташхиси фаннии "Роғун"

19 сентябр 2013, 11:56

Бонки Ҷаҳонӣ мегӯяд, марҳилаи аввали ташхиси фаннӣ ё техникии тарҳи нерӯгоҳи барқи обии Роғун, охири моҳи сентябри соли ҷорӣ мунташир хоҳад шуд.

Ин ҳарфҳоро Сароҷ Кумар Ҷа, директори минтақавии Бонки Ҷаҳонӣ, рӯзи 19-уми сентябр дар сӯҳбат бо Эмомалӣ Раҳмон, раисиҷумҳури Тоҷикистон, баён доштааст. Вай гуфта, ки баъдан, дар моҳи октябр, ин қисмати ташхиси онҳо “дар ҷаласаи машваратии намояндагони масъули ҳамаи кишварҳои манфиатдори минтақа бо иштироки коршиносони мустақил мавриди муҳокимаи ошкоро қарор мегирад”.

Сароҷ Кумар Ҷа ва Эмомалӣ Раҳмон изҳори боварӣ кардаанд, ташхиси фанниву иқтисодӣ ва муҳити зистии тарҳи нерӯгоҳи Роғун, ки сохтмонаш бо мухолифати кишварҳои ҳамсоя, бахусус Узбакистон рӯбарӯ шудааст, “шаффофу воқеъбинона ва бо назардошти манфиатҳои ҳамаи кишварҳои минтақа” анҷом мегирад.

Тоҷикистон тақрибан чаҳор соли пеш кор дар маҳалли сохтмони нерӯгоҳи барқи обии Роғунро оғоз кард. Аммо баъдан дар пайи мухолифатҳои шадиди Тошканд маҷбур шуд, таблиғот дар бораи сохтмони Роғунро кам карда, барои арзёбии фанниву иқтисодии он аз сӯи коршиносони Бонки Ҷаҳонӣ ризо шавад.

Тошканд мегӯяд, дар пайи сохтмони ин нерӯгоҳи азим Душанбе контроли оби минтақаро ба даст гирифта, кишварҳои поёноберо назири Узбакистон ташналаб хоҳад гузошт. Узбакистон ба ин маънӣ, Роғунро як навъ тарҳи сиёсӣ медонад ва борҳо алайҳи зиёни он барои солҳои оянда овоз баланд кардааст. Аммо Тоҷикистон ин иддаоро беасос хонда ва сохтмони Роғунро як тарҳи иқтисодӣ медонад, ки метавонад Тоҷикистон аз камбуди энержӣ раҳо кунад.

Дар ин сӯҳбати раисиҷумҳури Тоҷикистон бо директори минтақавии Бонки Ҷаҳонӣ ҳамчунин татбиқи лоиҳаи CASA-1000, ки кашидани хатти барқии 500-киловолта аз Қирғизистону Тоҷикистон ба Афғонистону Покистонро дар назар дорад, баррасӣ шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хамин банк контракташро ичро накард..даъф кардан даркор инхоро аз сарзамини точикистон

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!