Русский  >>  فارسی  >>  Сешанбе 6 декабр 2016, 05:43

Аз террори Бурҳонуддин Раббонӣ ду сол гузашт

20 сентябр 2013, 09:31

Аз террори Бурҳониддин Раббонӣ, раисиҷумҳури пешини Афғонистон ва раҳбари Шӯрои олии сулҳи ин кишвар, ду сол гузашт. Устод Раббонӣ рӯзи 20-уми сентябри соли 2011 дар манзили зисташ аз сӯи ду нафаре, ки худро намояндаи Толибон номида, барои гуфтушунид омада буданд, ба қатл расида буд.

Ҳарчанд Бурҳонуддин Раббонӣ ду сол боз дар миёни мо нест, вале хотираи ӯ ҳамешагӣ дар дили аксари тоҷикон боқист. Субҳи 20-уми сентябр низ чанде аз корбарони Фейсбук дарҳол дар саҳифаҳои худ акси Устод Раббониро гузошта, аз мадонагӣ ва кумакҳояш барои барқарории субот дар Тоҷикистон ёдоварӣ кардаанд.

Бурҳонуддини Раббонӣ аз тоҷикони сернуфуз дар Афғонистон буд, ки соли 1940 дар Файзободи Бадахшон зода шудааст. Соли 1963 дараҷаи профессори Донишгоҳи Кобулро дар риштаи ҳуқуқи ислом ва фиқҳ ба даст овард, дар риштаи фалсафаи ислом Донишгоҳи Ал-Азҳари Мисрро хатм кардааст. Баъд аз табаддулоти Довудшоҳ дар соли 1973 ба Пешовари Покистон ҳиҷрат намуда, дар набардҳои мусаллаҳонаи ҷанги Афғонистон алайҳи Шӯравӣ дар солҳои 1979-1989 саҳми намоёне дошт.

Вай моҳи майи соли 1992 ба Кобул баргашт ва бар асоси Созишномаи Пешовар раёсати ҳукумати мувақатии Афғонистонро ба дӯш гирифт. Дар декабри соли 1992 президенти Афғонистон интихоб шуд ва ин масъулиятро то декабри соли 2001, ки аз мақоми президентии Афғонистон истефоъ дод, бар дӯш дошт. Аз соли 1996 ба таври расмӣ яке аз пешвоҳои Иттиҳоди Шимол (нерӯҳои муқовиматӣ, ки алайҳи Толибон мубориза мебурданд) буд.

Соли 2010 ба симмати раиси Шӯрои олии сулҳи Афғонистон интихоб шуда ва то дами марг дар ин мақом буд. Ҳоло писараш Салоҳиддин Раббонӣ ба ин симмат баргузида шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Точикбача

  • 20 сентябр 2013 13:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худо рахматаш кунад....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АЛЛОХ чоша чанати Фирдавсат гардон омин

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!