Русский  >>  فارسی  >>  Ҷумъа 9 декабр 2016, 14:40

Мусодираи 90 нусха китоби Қуръон аз сӯи Хадамоти гумрук

21 сентябр 2013, 09:25

Маъмурони гумруки Тоҷикистон рӯзи 20-уми сентябр аз ворид шудани 90 нусха Қуръон, китоби муқаддаси мусулмонон, аз Афғонистон ба Тоҷикистон ҷилавгирӣ кардаанд.

Ба қавли як манбаъ аз Хадамоти гумрук, тоҷире ният доштааст аз роҳи ғайриқонунӣ ин теъдод китоби Қуръонро ба Тоҷикистон ворид созад. “Ин тоҷир навад нусха китоби Қуръонро дар зери семент монда, мехост, ба Тоҷикистон биёрад. Мо бо ин китоб ягон мушкил надорем, вале тоҷир онро на аз роҳи қонунӣ, балки ғайриқонунӣ нияти ворид кардан дошт ва барои ҳамин боздошт шуд”,-афзуд манбаъ.

Дар ҳоли ҳозир нисбат ба ин тоҷири тоҷик, ки аз ӯ ном бурда намешавад, “барои вайрон кардани қонунгузории гумрукӣ” аз рӯи Кодекси ҳуқуқвайронкунии маъмурӣ парванда боз шуда, тафтишот идома дорад.

Тайи тақрибан шаш соли охир мақомоти Тоҷикистон вуруди ҳама гуна адабиёти динӣ аз хориҷ ба Тоҷикистонро таҳти назорати шадид гирифтаанд. Мақомот мегӯянд, адабиёти динӣ, чи исломӣ ва чи ғайриисломӣ, қабл аз он ки вориди кишвар шуда, миёни сокинон паҳн гардад, бояд аз ташхиси диншиносии коршиносони Кумитаи дини Тоҷикистон бигузарад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!