Русский  >>  فارسی  >>  Сешанбе 6 декабр 2016, 23:01

Путин гуфт, “мо дар якҷоягӣ ба Тоҷикистон кумак мекунем”

23 сентябр 2013, 16:56

Владимир Путин, раисиҷумҳури Русия, гуфт, кишварҳои узви Паймони Амнияти Дастҷамъӣ ё ОДКБ дар якҷоягӣ барои ҳифзи марзи миёни Тоҷикистону Афғонистон кумак хоҳанд кард. Оқои Путин ин ҳарфҳоро рӯзи 23-юми сентябр, баъд аз анҷоми ҷаласаи Шӯрои амнияти дастҷамъии кишварҳои узви СПАД ё ОДКБ дар Сочӣ, баён дошт.

Тоҷикистон бо Афғонистон 1400 километр марзи муштарак дорад ва то соли 2004 онро марзбонҳои рус ҳифозат мекарданд. Ҳоло ин вазифа ба дӯши сарҳадбонони Тоҷикистон вогузор шудааст.

Ин дар ҳолест, ки Эмомалӣ Раҳмон, раисиҷумҳури Тоҷикистон, ҳангоми суханронияш дар ҷаласаи Шӯрои амнияти дастҷамъии кишварҳои узви ОДКБ аз вазъ дар марз бо Афғонистон изҳори ташвиш кард. Вай дар ҳоле ки ҳифзи марзи миёни Тоҷикистону Афғонистонро дар замон ва баъд аз хуруҷи нерӯҳои НАТО дар соли 2014 яке аз масъалаҳои муҳим медонист, гуфт, “ба Шумо маълум аст, ки дар марз вазъ ҳамчунон мушкил боқӣ мондааст. Ба таври доимӣ кӯшишҳои ғайриқонунии аз марзи Тоҷикистон гузаштани гурӯҳҳои террористӣ ва маводи мухаддир вуҷуд дорад”.

Дар ҷаласаи рӯзи 23-юми сентябри ОДКБ сарони ҳамаи кишварҳои узв – Арманистон, Беларус, Русия, Тоҷикистон ва Қазоқистону Қирғизистон ҳузур доштанд. Дафтари матбуоти раёсати ҷумҳури Тоҷикистон мегӯяд, “дар ҷаласа, ҳамчунин дигар масоили вобаста ба таҳким ва густариши ҳамкории давлатҳои аъзои созмон баррасӣ шуда, як зумра қарорҳои муҳим қабул шуданд.”

Созмони Паймони Амнияти Дастҷамъӣ, ки аз соли 2002 ба ин ном фаъол аст, Русия, Қазоқистон, Арманистон, Беларус, Қирғизистон ва Тоҷикистонро муттаҳид мекунад. Дар гузашта Узбакистон ҳам яке аз муттаҳидони ин Эътилофи низомӣ буд, аммо бо норизоятӣ онро тарк кардааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Осим

  • 24 сентябр 2013 08:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мегуянд Путин ба Эмомали гуфтааст, ки номзадиатро дар президенти намон, рост бошад?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!