Русский  >>  فارسی  >>  Шанбе 3 декабр 2016, 22:40

Садама дар Данғара куштаю маҷруҳ барҷой гузошт

24 сентябр 2013, 10:06

Вазорати умури дохилии Тоҷикистон мегӯяд, 23-юми сентябр дар пайи садамаи нақлётӣ дар ноҳияи Данғара як нафар ҳалок ва дигаре ҷароҳати вазнини ҷисмонӣ бардоштааст.

Ба иттилои манбаъ ронандаи автомашинаи тамғаи «Опел-Астра», Маҳмадиев Субҳон Набиевич, соли таваллудаш 1959, истиқоматкунандаи ноҳияи Восеъ, ҳангоми ҳаракат дар километри 122-юми роҳи Кӯлоб-Душанбе, дар ҳудуди деҳаи Дурахшони ноҳияи Данғара, қоидаҳои ҳаракати роҳро риоя накарда, ба самти муқобили роҳ баромада, автомашинаро чаппа намудааст: “Дар натиҷа мусофири автомашина Муродалиев Субҳон, соли таваллудаш 1952, сокини ноҳияи Данғара, ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст ва мусофири дигари автомашина Меҳроҷиддини Маҳмадраҳим, соли таваллудаш 1992, зодаи ноҳияи Восеъ, ҷароҳатҳои гуногуни ҷисмонӣ бардошта, дар беморхона бистарӣ гардидааст.”

Ин дар ҳолест, ки қаблан Рамазон Раҳимов, вазири умури дохилии Тоҷикистон барои як садамаи маргбор дар ҳудуди Данғара, масъулини бозрасии автомобилии Хатлонро муҷозот кард, ки назорати бехатарии ҳаракат дар шоҳроҳи Душанбе-Кӯлобро дар сатҳи лозима ба роҳ намондаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!